Hoxe, venres 3 de novembro, tivo lugar no noso centro un simulacro de evacuación segundo as directrices do plan de autoprotección.

Ás 10 h soaron as alarmas de incendio e alumnado, profesorado e persoal non docente seguiron de xeito moi satisfactorio as instrucións establecidas e a evacuación realizouse no tempo previsto. Unha persoa do centro foi designada a chou para interpretar o papel de ferida e seren rescatada polo corpo de bombeiros.

Grazas á excelente participación de toda a comunidade educativa presente no centro e dos servizos de rescate mobilizados, o simulacro foi un éxito!

Álbum: Curso 2023-24 -> Simulacro_Evacuación

O xurado do concurso "Os meus avós, mestres da vida", organizado pola Área sanitaria do Sergas de Ourense e a Consellería de Cultura, Educación e Universidade, vén de outorgar os premios ao alumnado cos mellores traballos.

A nosa alumna de 6º B Ariadne López Alonso acadou o Segundo Premio do Terceiro Ciclo de Primaria. Recolleuno acompañada da súa avoa (protagonista do seu debuxo), a súa nai e o seu irmán. Tamén estiveron no acto de entrega a súa titora e a directora do centro.

Todos os traballos están expostos no edificio novo do hospital do CHUO. A participación do noso alumnado foi moi ampla. Noraboa a tod@s!!