"Tócanos facer as cousas ás agachadas, que non se note que estamos, porque somos invisbles como o ar. O que non saben, ou non pensan, é que o ar se coa en todos os recantos precisamente poque non se ve. Así facemos nosoutras."

Eva Mejuto "Memoria do silencio" (Editorial Xerais) 

Se estades convocados polo voso profe a unha videoconferencia co programa Cisco Webex, podedes visualizar este vídeo elaborado pola Consellería de Educación. Semella moi sinxelo. Só tedes que coñecer o enderezo web (eduxunta.webex.com) e o número da sala e o contrasinal, que vos chegará por abalarmóbil. Mirade o vídeo:

O alumnado e as profes e os profes de Infantil do noso centro mostran como están a pasar estes días na súa casa. Un bico para tod@s!

A comunicación entre as familias e o centro educativo é un elemento facilitador da mellora dos procesos educativos.

A Consellería de Educación pon a disposición da nosa comunidade un aplicativo que pode contribuír a unha comunicación máis áxil, rápida e continua: AbalarMóbil.

AbalarMóbil permite as seguintes funcionalidades:

• Consultar as cualificacións.
• Consultar e xustificar as faltas de asistencia.
• Solicitar unha cita de titoría.
• Consultar as incidencias creadas polo profesorado.
• Consultar os avisos ou notificacións por parte do profesorado ou o centro educativo.
• Un sistema de mensaxería entre familias e profesorado. (A partir da versión 1.3)

Está dispoñible nas tendas de aplicativos Google Play (para Android) e App Store (para iOS). É gratuíto.

Desexaríamos, dada a facilidade do seu uso e a inmediatez da comunicación, que consideraran a instalación desta app no seus sistemas móbiles para beneficiarnos todos.

Máis información, nesta páxina da Consellería de Educación.

Adxuntamos unha guía de uso para as familias: