A celebración do Día da Paz contou coa realización de varias actividades en cada clase e conxuntas.

Ademais das actividades desenvolvidas en cada titoría, os días 27, 28 e 29 de xaneiro, o alumnado desde Infantil a 6º de Primaria dos grupos A recitou poesías alusivas ao tema a través da megafonía interior durante as horas de ler.

O equipo de biblioteca seleccionou unha escolma de libros sobre a paz que presentou no expositor ao carón dos murais.

Soou a canción "Quérote máis" e entre todo o alumnado do colexio realizáronse estes fermosos murais.

Álbum: Curso 2020-21 -> Día da Paz

Este ano o concurso de postais de Nadal, organizado polo ENDL do colexio, desenvolveuse coa mesma dinámica doutros cursos, pero non se mostraron nas paredes do diferentes corredores; só unha selección delas no vestíbulo:

Álbum: Curso 2020-21 -> Nadal_Postais

O venres 3 de decembro tiveron lugar no noso colexio varios obradoiros de percusión nos que participou o alumnado de 6º de primaria. O obxectivo era tomar contacto, a través de diferentes obstinatos, con ritmos propios das batucadas. Utilizando bidóns de diferentes tamaños realizaron esas polirritmias con diferentes timbres nunha obra musical cuxa palabra máxica era ECOPERCUSIÓN. Os resultados foron moi satisfactorios tanto a nivel de desenvolvemento da actividade como polo resultado final.