Convocatoria do fondo solidario de libros de texto e axudas para adquirir libros de texto e material escolar destinadas ao alumnado matriculado en educación primaria, ESO e educación especial para o curso escolar 2024/25
Estimadas/os nais/país titoras/es do alumnado do CEIP de Portonovo
Informámoslles de que queda aberto o prazo para a presentación da solicitude de participación no Fondo Solidario de Libros (3º e 4º de Educ. Primaria), Axudas para adquirir libros de texto (1º e 2º de Educ. Primaria e en educación especial) e Axudas para adquirir material escolar (Educ. Primaria).
No curso 2024/2025 5º e 6º de Educ. Primaria estará incluído no proxecto educación dixital (E-DIXGAL) polo que está excluído da participación no fondo solidario de libros de texto, non obstante, poderán solicitar a axuda para adquirir material escolar cando reúnan os requisitos establecidos na ORDE do 7 de maio de 2024 .
A solicitude será única para todos os fillos admitidos no mesmo centro e estará dispoñible na páxina web do colexio http:www/edu.xunta.es/centros/ceipportonovo , ou ben no portal educativo, enderezo http://www.edu.xunta.gal/fondo libros e na sede electrónica da Xunta de Galicia, https://sede.xunta.gal (código de procedemento ED330B).
O prazo para presentar a solicitude rematará o 21 de xuño de 2024 (este incluído).
Forma de presentación.
Ademais da presentación presencial no centro (horario 9:00h. – 14:00h.), igual que no curso anterior, poderán realizar a solicitude accedendo á aplicación Fondolibros (https://www.edu.xunta.es/fondolibros), e unha vez que teñan cubertos todos os datos deberán gardala, obtendo así o número de solicitude, e posteriormente poderán optar polas seguintes formas de presentación:
Presentación no centro: Neste caso imprimirán a solicitude e o anexo II e presentaranos no centro (debidamente asinados), xunto coa documentación.
Presentación na Sede Electrónica da Xunta de Galicia (https://sede.xunta.gal).
Atentamente, O Equipo Directivo
Solicitude: https://sede.xunta.gal/doc-invia/rest/anexos/231121791
