PRAZO: 30 ABRIL - 13 SETEMBRO 2024

QUEN A PODE SOLICITAR?

• Alumnado con discapacidade
• Alumnado con Trastorno grave de conduta ou da comunicación e linguaxe
• Alumnado con Trastorno do espectro autista
• Alumnado con Altas Capacidades

MÁIS INFORMACIÓN: 

• PÁXINA WEB
• PUBLICACIÓN BOE

No centro levamos a cabo diferentes probas a nivel grupo que están contempladas dentro do Plan de Atención á Diversidade, con elas pretendemos identificar aquel alumnado que ten dificultades nalgún aspecto concreto ou, incluso, algún grupo que deba traballar algo concreto.

Estas probas contan para a nota? Que valoran?

Non. O alumnado é coñecedor de que non conta para a nota e explícaselles que non se trata dunha avaliación dunha materia concreta, se non que se valoran esas "pequenas cousiñas" que utilizan no seu día a día: comprensión oral e escrita, atención, cálculo, planificación, lóxica, control espacial, etc.

Por que se fai con todo o grupo e non so cun neno/a en concreto?

As probas estandarizadas teñen baremos españois, é dicir, os investigadores que crearon a proba utilizaron nenos e nenas de todo o territorio español para elaborar o que se entende como "promedio" e todo o que queda por enriba e por abaixo. O feito de ter estos baremos fai que os resultados sexan en función de toda esa poboación, e iso está ben para saber onde nos situamos con respecto ao esperado por idade ou curso; pero se o facemos con todo o grupo, podemos tamén observar que igual toda esa clase acada unha puntuación baixa (ou alta) nunha tarefa concreta, o cal indica que non se trata de que un neno/a teña unha dificultade, se non que é algo a traballar con todo o grupo.

Os resultados vanse dar a coñecer ás familias?

Estas probas son unhas probas xenéricas, de identificación de posibles necesidades, polo que só nos poñeremos en contacto con aquelas familias nas que o neno/a obteña uns resultados que nos fagan sospeitar de que pode haber unha dificultade. No caso de que os resultados estén dentro do esperado, non haberá comunicación á familia.

Isto quere dicir que se o meu fillo/a está dentro da normalidade non podo ver o que fixo?

PARA NADA. Calquera familia que esté interesada en coñecer os resultados pode solicitar cita ca orientadora (a través da titora ou a través do email) e ver o que o seu fillo/a fixo.

Calquera dúbida que poda xurdir ao respecto, pode acudirse tanto ás titoras como á orientadora do centro.

Sociograma... ?

Un sociograma é unha ferramenta para valorar o clima social da aula e as relacións que exiten no grupo.

É unha actividade moi importante para a mellora da convivencia escolar e, habitualmente, faise no inicio de curso e no final.

Neste trimestre, foron as aulas de primaria as que realizaron a actividade; as de infantil, xa que os obxectivos son menos, levarase a cabo no 2º trimestre.

Facer partícipes aos alumnos e alumnas fai que se sintan escoitados xa que recoñecen que a súa voz e opinión conta e pode haber cambios nas dinámicas de aula gracias a iso.

En ocasións, pode ser que os resultados aheguen información que pasara desapercibida aos ollos dos mestres/as. A partir disto, levaranse a cabo actividades de cohesión de grupo e mellora da convivencia no grupo.

Estimadas familias, 

Fálavos Carmen, a orientadora que vai estar na escola polo momento.

Imos ir retomando as publicacións por aquí ca idea de poder ofrecervos recursos e consellos que agardo sexan de utilidade.

Polo momento, infórmovos que contamos cun correo electrónico co cal podedes contactar comigo para calquer consulta, suxestión, cita ou información que querades transmitirme, a direción é:

orientacion.ceip.ponte.xubia@edu.xunta.gal

Non dubidedes en escribirme.

Un saúdo, 

Carmen Fernández

2 de Vero Ramos

DÍA MUNDIAL DO AUTISMO

            O día 2 de abril conmemorouse o Día Mundial do Autismo. Desde o colexio quixemos formar parte desta data para visibilizar ás persoas con este trastorno. Persoas como calquera outras, pero cunha forma de percibir o seu entorno, as relacións sociais e a comunicación dun xeito distinto ao que estamos habituados e que debemos coñecer para entendelas e incluilas no noso día a día.

Para isto, e durante a última semana do trimestre, traballouse nas titorías cómo perciben o mundo as persoas con autismo e cómo podemos axudar a facilitarlles o entendemento do que lles rodea e que moitas veces para eles é tan caótico.

            Para darlle un broche final fixemos, entre todo o alumnado e profesorado, un mural co símbolo do infinito que identifica a este colectivo. O infinito con todas as cores do arco da vella, cores que representan a diversidade dentro do propio autismo, xa que non hai dúas persoas iguais, hai un amplo abano ao que técnicamente dáse en chamar espectro autista.

            Facer este tipo de actividade aproveitando esta data e facéndoa extensible a todo o ano axudará a que o noso mundo sexa moito máis enriquecedor e confortable para todos. Baseándonos no respecto e vendo as diferenzas como diversidade faránnos crecer como persoas empáticas, comprensivas, tolerantes e coñecedoras de que non hai dúas persoas iguais. Todos e todas temos singularidades e o feito de entendernos promove a liberdade de todos e cada un de nós. De aí as nosas pegadas de cores ao redor do infinito. Todos somos partícipes e todos podemos facer que os demais se sintan recoñecidos e estimados.

O departamento de orientación do centro está a elaborar un blogue no que se irán introducindo páxinas, tarefas, material, fichas… sobre comprensión lectora, comprension matemática, pronunciación e repaso de fonemas (r, s…) tanto para infantil como para primaria para que o alumnado poida tanto realizar coa tablet, o ordenador… como impreso en papel.

https://pontedexubia.blogspot.com/?m=1

Se alguen quere poñerse en contacto con calqueira membro do departamento de orientación do centro estarán a disposición das familias a través do correo corporativo do centro

ceip.ponte.xubia@gmail.com