3º curso
Festival de Nadal
E por fin chegou o festival de Nadal!!! Este ano preparamos unha bonita canción de Mamá Cabra chamada Tres reis en bicicleta na que os Reis Magos collen por primeira vez unha bicicleta e lles suceden unha morea de cousas, igualiño que a nós que tamén nos pasou de todo no escenario hehehe.
Nas imaxes de abaixo veredes un vídeo cos ensaios e outro co que aconteceu no festival, que estivo cargado de risas, agasallos e moitísima diversión.
Visita do apalpador
Este ano por primeira vez, tivemos o enorme pracer de recibir ao Apalpador na nosa escola. Viu o día antes porque ten moito traballo pero disfrutamos moito das súas historias e deunos un bonito agasallo para cada aula.
Ademais puidemos coñecer máis a este importante personaxe galego que agardamos volte moitas máis veces polo Nadal.
Coma sempre, premendo na imaxe veredes un vídeo da súa visita.
Visita do apalpador
Este ano por primeira vez, tivemos o enorme pracer de recibir ao Apalpador na nosa escola. Viu o día antes porque ten moito traballo pero disfrutamos moito das súas historias e deunos un bonito agasallo para cada aula.
Ademais puidemos coñecer máis a este importante personaxe galego que agardamos volte moitas máis veces polo Nadal.
Coma sempre, premendo na imaxe veredes un vídeo da súa visita.
Aniversarios do primeiro trimestre
O día antes das vacacións de Nadal celebramos os aniversarios do primeiro trimestre. Xa íamos tendo moitísimas ganas de facer unha festa e unha boa comilona na clase!! Nos puxemos as botas e, sobre todo, divertímonos, bailamos e xogamos moito. Facer festas na clase sempre é divertidísimo.
Premendo na imaxe veredes un vídeo deste bonito día.
Belén do colexio
E por fin está a piques de chegar o Nadal e, como todos os anos, facemos entre todo Primaria un pequeno Belén na escola. Este ano, para variar con respecto a outros e fomentar a reutilización dos residuos, fixemos casas e árbores con cartóns de leite e rolos de papel. Quedáronnos unhas casiñas e árbores ben chulos.
Premede na imaxe para ver o vídeo desta actividade.
Carteámonos co colexio de Piñeiros
Este ano, case chegando ao Nadal, chegounos unha sorpresa á clase da man de Silvia, a mestra de Audición e linguaxe do cole que tamén traballa no cole de Piñeiros. Traíanos unha carta dos nenos e nenas de 3º de Piñeiros na que nos contaban quenes eran, o que lles gustaba facer e invitándonos a coñecernos máis e, incluso a facer algunha actividade conxunta.
Magosto 2018
Chegan as castañas e con elas o Magosto!! A grande festa das castañas que sempre vai acompañada de xogos populares e unha boa enchente de castañas. Como este ano estamos inmersos nun proxecto chamado "On your bike", as bicicletas non podían faltar nesta actividade.
Premendo na imaxe podedes ver un vídeo de todo o que aconteceu este día.
Saída á Casa do Mel de Goente
E voltamos de excursión!! Como parte do noso proxecto de alimentación, esta vez decidimos ir ata a Casa do mel de Goente xa que este produto é importantísimo para a nosa saúde e queriamos coñecer de primeira man a importancia tan grande que estes animais supoñen para a nosa contorna.
Fixemos unha morea de actividades como facer candeas coa cera das abellas, facer fotos nun photocall moi divertido, probar o traxe do apicultor, ver unha colmea por dentro, ver vídeos da vida das abellas e probar o mel. Que rico estaba!!
SAMAÍN 2018
Outro ano máis, no colexio celebramos o Samaín como ven sendo tradicional dende hai varios anos. Mais este ano, ademais de disfrazarnos e facer cousiñas de medo, traballamos a canción de "Corre, corre cabaciña" e preparamos un baile para festexar este día. Foi moi divertido e, coma sempre, o pasamos xenial. Ademais viñeron de gazapo a axudarnos a facer as cabazas. Premendo nas imaxes veredes os vídeo destas actividades.
Teatro: A nena e o grilo máis aló
A primeira saída do curso foi ao teatro a ver a obra "A nena e o grilo máis aló", unha marabilla de teatro Ghazafelhos coa colaboración musical do grande Magín Blanco.
Foi unha obra fermosísima coa que disfrutamos moito, aínda que a algúns de nós a temática nos puxo os pelos de punta hehehe.
Premendo na imaxe podedes ver un pequeno vídeo desta obra.
- « primeira
- ‹ anterior
- …
- 3
- 4
- 5
- 6
- 7
- 8
- 9
- 10
- 11
- seguinte ›
- última »
![RSS - 3º curso Distribuir contido](/centros/ceippontedexubia/misc/feed.png)