FACÉMONOS MAIORES! EN XANEIRO CINCO COMPIS CUMPREN 6 ANOS: CARLA, MARTÍN ANCA, IRENE, ALDARA E ÁLVARO. ESTE XOVES CELEBRAMOS O SEU CUMPLE NA ESCOLA CUNHA MERENDA BEN SABOROSA...

NA PRESENTACIÓN VEREDES FOTOS NAS QUE SAE HÉCTOR, QUE TAMÉN CUMPRÍA EN XANEIRO. HOXE, 31 DE XANEIRO, É O SEU ANIVERSARIO ASÍ QUE DESEXÁMOSLLE UN DÍA MARABILLOSO E ESPERAMOS QUE ESTEA MOI CONTENTO NO SEU NOVO COLE.

PARABÉNS PARA OS MAIORES DA CLASE!

ESTA SEMANA TOCA AMOSARVOS O TRABALLO INDIVIDUAL SOBRE ESTATÍSTICA ONDE CADA UN DOS NENOS E NENAS REPRESENTOU O SEU CONSUMO INDIVIDUAL DE FROITA AO LONGO DA SEMANA. NA PRESENTACIÓN VEREDES PARTE TAMÉN DO TRABALLO PUBLICADO NA WEB A SEMANA PASADA E QUE AGORA ESTÁ EXPOSTO NA CORREDOIRA DA ESCOLA.

PARA CUBRIR ESTA GRÁFICA EMPREGAMOS A TÁBOA DE DOBRE ENTRADA ONDE APUNTAMOS A FROITA CONSUMIDA, CONSULTÁNDOA PARA COLOREAR TANTOS RECADROS COMO PLÁTANOS,  MAZÁ VERDE, MANDARINA, PERA OU MAZÁ VERMELLA COMERAMOS.

LEMBRADE QUE OS DATOS REFÍRENSE A ANACOS DE FROITA, NON PENSEDES QUE NINGÚN NENO/A COMEU 5 OU 6 MAZÁS NUN DÍA! POR OUTRA BANDA FOI INTERESANTE QUE, AO REXISTRAR O CONSUMO DÍA A DÍA, MOTIVAMOS AOS QUE NON COMÍAN NADA DE FROITA A PROBAR ALGUNHA. E ALGÚNS DELES O A PARTIR DO TERCEIRO DÍA ANIMÁRONSE POLO MENOS A PROBAR A FROITA QUE TOCASE.

PARA FINALIZAR, ESTA SEMANA -O LUNS- TOCOU ANALIZAR AS NOSAS GRÁFICAS E MIRAR QUEN NON CONSUMIRA NADA, QUEN TIÑA GRÁFICAS SIMILARES OU RESPONDER QUE FROITA FORA A MÁIS CONSUMIDA POR CADA UN.

A ACTIVIDADE FOI MOI MOTIVADORA E APRENDIMOS UN MONTÓN. UNHA EXPERIENCIA MATEMÁTICAMENTE SAUDABLE!

O VENRES FOMOS ATA A BIBLIOTECA PARA VER NA PANTALLA GRANDE UN CONTO TITULADO "SIRA E O PAXARO NEGRO";  CREADO POR MANS UNIDAS, COA FINANCIACIÓN DA AECID (Agencia Española de Cooperación Internacional para el Desarrollo, PARA SENSIBILIZAR SOBRE A IMPORTANCIA DA SAÚDE NOS PAÍSES EMPOBRECIDOS.

GUSTOULLES MOITÍSIMO, TANTO QUE PEDÍAN VELO OUTRA VEZ...

DESPOIS DO VÍDEO APROVEITAMOS PARA FACER NA BIBLIOTECA UNHA PEQUENA ACTIVIDADE EN RELACIÓN Á CELEBRACIÓN DO DÍA DA PAZ NA ESCOLA E DESPOIS MIRAR E LER UNS CONTOS COS COMPIS.

O XOVES TIVEMOS UNHA VISITA MOI ESPECIAL: AS TARTARUGAS DE NAJAT. OS SEUS NOMES SON ULISES E DAISY E TODOS E TODAS QUERIAMOS TOCALAS, COLLELAS E SABER COUSAS DELAS. ERAN MOI PEQUENAS; ULISES ESTABA UN POUCO DURMIDO E NON QUIXO SAÍR DA SÚA COIRAZA,  PERO DAISY PASEOU POLO CHAN E TODOS A MIRAMOS MÁIS DE CERCA.

DESPOIS DE FALAR SOBRE ELAS, OLGA, A NAI DE NAJAT, TIÑA PREPARADA UNHA SORPRESA: FACER UNHA TARTARUGA CON BOLIÑAS DE PAPEL PEGADAS NUN PLATO DE PLÁSTICO. QUEDARON MOI BONITAS E LEVÁMOLAS ESE MESMO DÍA PARA CASA. VAIA SORTE!

MOITAS GRAZAS POR VIR E TRAER ESAS TARTARUGAS TAN BONITAS, FOI UNHA ACTIVIDADE XENIAL!

 
tartarugas - Kizoa Movie Maker

A SEMANA PASADA CELEBRAMOS NA ESCOLA A SEMANA DA FROITA. ADEMAIS DE PODER DISFRUTAR DO CONSUMO DE FROITAS E FOMENTAR ASÍ UNHA ALIMENTACIÓN SAUDABLE, INICIAMOS UNHA EXPERIENCIA MATEMÁTICA RELACIONADA COA ESTATÍSTICA E AS FROITAS. SOA BEN VERDADE?

O PRIMEIRO QUE FIXEMOS FOI ANOTAR TODOS OS DÍAS AO LONGO DA SEMANA PASADA CANTAS FROITAS COMERA CADA NENO E NENA. ESTE ASPECTO FOI COMPLICADO PORQUE EN MOITAS OCASIÓNS NON TOMAMOS FROITA ENTEIRA, TOMAMOS MEDIA, UN CUARTO... ASÍ QUE FALAMOS ALGO SOBRE ESTES ASPECTOS INDA QUE, NA TÁBOA NA QUE APUNTAMOS, EMPREGAMOS NÚMEROS ENTEIROS, É DICIR, QUE POÑER UN CINCO -POR EXEMPLO- NON SIGNIFICA QUE O NENO OU NENA COMERA CINCO MAZÁS, SENÓN QUE COMEU CINCO ANACOS.

O PRIMEIRO DÍA FOI CONFUSO PORQUE UNS ANOTARON AS METADES E OUTROS SUMARON AS METADES...POR EXEMPLO HOUBO NENOS/AS QUE TOMARON DOUS MEDIOS PLÁTANOS E ANOTARON UN DOUS E OUTROS QUE COMENDO O MESMO PUXERON O NÚMERO UN. POLO TANTO A NOSA GRÁFICA NON QUEDARÁ TOTALMENTE CIENTÍFICA, PERO COMO EXPERIENCIA PENSO QUE VAI SER IGUALMENTE ENRIQUECEDORA.

SUPERADO ESE PRIMEIRO DÍA, OS DÍAS SUCESIVOS ANOTAMOS EN FUNCIÓN DAS METADES OU ANACOS QUE INXERIRAN, SEN PENSAR SE FORA FROITA ENTEIRA OU NON...E ASÍ POLO MENOS TODOS EMPREGARIAMOS A MESMA MEDIDA.

ESTA SEMANA TOCOU SUMAR A FROITA QUE CONSUMIRA CADA UN. FIXÉMOLO O LUNS, USANDO PASTA PARA PODER CONTAR E SUMAR OS CINCO NÚMEROS ANOTADOS POR CADA UN DE NÓS. DESPOIS NUN PAPEL CONTÍNUO A PROFE DEBUXOU UNHA L MOI, MOI GRANDE E MARCOU UNS NÚMEROS EMPREGANDO UNHA REGRA. AHÍ COMENZAMOS CADA UN A FACER UNHA LIÑA ATA CHEGAR AO NÚMERO QUE CORRESPONDÍA SEGUNDO A SUMA QUE FIXÉRAMOS. PARA QUE FOSE MÁIS VISUAL, ENGADIMOS UN GOMET.

A TÁBOA LEVOU UN PAR DE DÍAS, PORQUE HOUBO NENOS E NENAS QUE FALTARON E TIVERON QUE COMPLETALA DESPOIS. ASÍ CHEGAMOS A TERMINAR A NOSA GRÁFICA DE CONSUMO DE FROITA NA SEMANA E COMEZAMOS A ANALIZAR OS DATOS REFLECTIDOS NELA.

AGORA ESTAMOS A FACER UNHA GRÁFICA DE CONSUMO INDIVIDUAL, PERO QUEDAN DOUS COMPIS POR FACELA...ASÍ QUE NA PRESENTACIÓN APARECEN POUCOS NENOS E NENAS, A MODO DE EXEMPLO, PARA EXPLICAR O PROCESO DE REALIZACIÓN DA GRÁFICA E DEIXAMOS PARA A VINDEIRA SEMANA AS FOTOS DE TODOS E TODAS REALIZANDO A GRÁFICA INDIVIDUAL.

ESPERO QUE VOS GUSTE O TRABALLO.

EMOCIONARIO É UN LIBRO CON TEXTO DE CRISTINA NUÑEZ PEREIRA E RAFAEL R. VALCÁRCEL, ILUSTRADO POR DIVERSOS AUTORES, DA EDITORIAL PALABRAS ALADAS. FOI UN AGASALLO DOS REIS MAGOS NA MIÑA CASA E EMPREGARÉMOLO PARA COÑECER UN POUCO MÁIS POLO MIÚDO AS EMOCIÓNS, NOMEALAS CORRECTAMENTE, IDENTIFICALAS, FALARMOS DELAS...

POLO DE AGORA XA OBSERVAMOS DÚAS ILUSTRACIÓNS DO CONTO EN DÍAS DISTINTOS: TRISTEZA E ALEGRÍA. PRIMEIRO FALAMOS SOBRE ELAS, SOBRE OS MOMENTOS NOS QUE PODEMOS SENTIRNOS ASÍ...  IDENTIFICANDO A EMOCIÓN SOBRE A QUE ESTAMOS A CONVERSAR. POUCO A POUCO TENTAREMOS ABANDONAR EXPRESIÓNS COMO "ESTOU BEN" OU "ESTOU MAL" PARA DICIR "ESTOU TRISTE" OU  "ESTOU ALEGRE"...

DEÍXOVOS A CONTINUACIÓN AS DÚAS IMAXES RELACIONADAS COA TRISTEZA E A ALEGRÍA, PERTENCENTES Á EMOCIONARIO, EXTRAIDAS DO BLOGUE AULA DE ELENA.

TRISTEZA

ALEGRÍA

O VENRES ESTIVEMOS A MIRAR UNHA NOVA DO XORNAL, EN CONCRETO REFERIDA Á CABALGATA DE REIS DO DÍA 5 DE XANEIRO. TIVEMOS UN TEMPO DE OBSERVACIÓN E DESPOIS CONVERSAMOS.

CONCLUÍMOS QUE:

• TEN TEXTO E FOTOS.
• HAI ANUNCIOS.
• ADEMAIS DE LETRAS AHI NÚMEROS... POR EXEMPLO SAÍA O 2015, ESE TÉMOLO CONTROLADO ;-)
• HAI OUTROS NÚMEROS.
• UNHAS LETRAS SON MÁIS GRANDES QUE OUTRAS.

PARA EMPEZAR NON ESTÁ MAL...

ESTA SEMANA FIXEMOS UNHA ACTIVIDADE BASTANTE COMPLICADA E MOI INTERESANTE: SIMETRÍAS. DESPOIS DE FACER UNHAS SIMETRÍAS A SEMANA PASADA CON PINTURA DE DEDO E OBSERVAR O CADRO "PERA" A PARTIR DO QUE FALAMOS DOS CONCEPTOS METADE E CUARTO, CHEGOU O MOMENTO DE LEVAR AO PAPEL UNHA SIMETRÍA E VER QUE SUCEDÍA.

PREVIAMENTE FIXEMOS UNHA ENTRE TODOS E TODAS E INDIQUEILLES ASPECTOS A TER EN CONTA PARA SABER SE ESTABAMOS FACENDO BEN O NOSO TRABALLO, POR EXEMPLO COMEZAR A PEGAR POLA COR MÁIS PRÓXIMA Á LIÑA CENTRAL OU CONTAR AS PEGATINAS DUNHA DETERMINADA COR.

APROVEITAMOS TAMÉN PARA FALAR DOUTROS CONCEPTOS COMPLEXOS: DEREITA E ESQUERDA...COMO VEDES NON DAMOS PUNTADA SEN FÍO!

O RESULTADO FOI XENIAL E SENTÍMONOS MOI ORGULLOSOS E SATISFEITOS DE FACER TAN BEN O TRABALLO, A PROFE A QUE MÁIS!

"Pera" (Maruja Mallo, 1979)

ESTA SEMANA SEGUIMOS TRABALLANDO NA REORGANIZACIÓN DA AULA: FIXEMOS UNS CARTEIS CO NÚMERO DE LISTA E O NOSO NOME PARA FACER A LISTA DA ORDE ALFABÉTICA QUE EMPREGAMOS PARA SINALAR O ENCARGADO/A E TAMÉN OUTROS NÚMEROS PARA MARCAR CANTOS SOMOS E FALTAMOS CADA DÍA.

O VENRES YISSEL FOI A ENCARGADA DE ESTREAR TODO XA QUE ELA DE MOMENTO SEGUE A SER O NÚMERO UN DA LISTA. MARTÍN ANCA E NAJAT TAMÉN CONSERVAN O SEU NÚMERO PERO OS DEMAIS ESTREAN NÚMERO, É O QUE TEN A ORDE ALFABÉTICA!

NA PRESENTACIÓN VERDES TAMÉN ALGUNHAS FOTOS QUE FIXEMOS A SEMANA PASADA CON DANIELA E LUCÍA, DAS QUE XA PODEMOS VER A CARIÑA NA WEB.

O VENRES ESTIVEMOS A OBSERVAR UN CADRO DE MARUJA MALLO, PINTORA XA COÑECIDA POR NÓS, TITULADO "PERA" E PINTADO NO ANO 1979. PERTENCE A UNHA SERIE DE CADROS DE FROITAS, ELEMENTO RECURRENTE NO TRABALLO DESTA PINTORA, REPRESENTADAS DESDE UN PUNTO DE VISTA XEOMÉTRICO.

ESTE CADRO ESTÁ EXPOSTO NA SEDE AFUNDACIÓN FERROL NO CANTÓN DE MOLÍNS, NO MARCO DUNHA EXPOSICIÓN TTULADA "MÚLTIPLE. A ARTE DO GRAVADO, DE PICASSO A BARCELÓ". A EXPOSICIÓN É GRATUITA E NELA TAMÉN HAI OBRAS DE PICASSO, MIRÓ, DALÍ, TAPIES E BARCELÓ, ENTRE OUTROS.

TEDES ATA O DÍA 21 DE XANEIRO PARA PODER VELA, PODE SER UN PLAN INTERESANTE VER OBRAS DE ARTISTAS TAN RECOÑECIDOS PRETO DA CASA E DE XEITO GRATUITO.