Os alumnos e alumnas de terceiro de primaria de relixión e proxecto competencial, crearon unha serie de programas variados que queremos compartir con vós. Esperamos que vos gusten. Non deixedes de seguirnos porque seguiremos traendo cousiñas para todo o noso público.

O día 25 de novembro festexamos no colexio o día contra a violencia de xénero lendo un conto entre todos os membros do clube Bookfluencers, isto e algunhas cousiñas más vos agardan neste episodio.

Neste episodio alumnos de 5º entrevistan a Daniel Lorenzo, experto en prevención de riscos e organización do SPEIS de Narón, quen nos contará cousas do seu traballo e algunhas cousas que temos que ter en conta para a nosa seguridade.

Nesta ocasión, os alumnos de segundo de primaria analizan dous movementos da obra de Bizet, "Xogo de Nenos", ademais de varios instrumentos e unha actución en directo. Esparamos que vos guste e aprendades moito.

Neste episodio, un equipo de terceiro trae datos e curiosidades sobre as tartarugas mariñas. Tanto a estrutura , como o contido e a organización está desenvolto integramente por eles, así que ten moito mérito, pois é a primeira experiencia na radio.

Os alumnos de terceiro contan curiosidades sobre a sinfonía dos xoguetes, ademáis de falar dalgúns dos seus xoguetes favoritos e actuar en directo, aquí nos estudios de Radio Ponte.

Con motivo do día contra a violencia de xénero o 25 de novembro, algunhas alumnas de 6º de Ed. Infantil prepararon un pequeno programiña, no que contarán o conto "Superlola".

A Pandilla Lacasitos, nesta ocasión, adiántase á data de Nadal, cuns contos clásicos en verso no que cada personaxe vai levar algún agasallo ao portal. Esperamos que vos guste.

Neste primeiro episodio, os alumnos de cinco anos teñen a súa primeira experiencia radiofónica da man de Blancaniev...digoo de Maricarmen, a súa querida mestra. Nel falarán con toda naturalidade sobre as últimas saídas: O teatro "Carabela", museo de historia natural, As Meninas de Canido, e o Rato Pérez. 

Os alumnos de terceiro traen unha serie de programas variados, de temas que a eles lles interesan e queren compartir con todos nós. Esperamos que vos gusten e valoredes que é a primeira vez que traballan na radio de maneira case totalmente autónoma.