FESTA DO INVERNO
Para rematar este trimestre leváronse a cabo varias actividades ao longo da mañá onde se priorizou a mestura do alumnado de diferentes idades. Este tipo de agrupamentos sempre resultan moi favorables para todos os nenos e nenas xa que os maiores adquiren responsabilidades de coidado, atención, axuda... e os mais pequenos e pequenas encántalles estar no "cole de maiores" con alumnado de maior idade.
A primeira actividade foron os Obradoiros de manualidades navideñas, onde os principais protagonistas foron o alumnado de 5º e 6º de educación primaria adquirindo o rol de monitores do seu obradoiro, tiveron que encargarse de dirixir e guíar aos grupos que ían recibindo no seu taller. Tivemos 4 obradoiros diferentes duplicados, deste xeito todos os grupos puideron realizar as 4 manualidades simultáneamente.
Aquí tedes un pequeno reportaxe do mesmo.
Despois de facer un descanso e tomar a merenda para coller forza xuntámonos todos e todas na sala de usos múltiples onde celebramos o primeiro sorteo de Nadal. Segundo ían entrando recibiron o seu boleto con un único número. Os encargados de sacar bolas do bombo foron os mais pequenos, axudados polos maiores que tiñan que ler ou cantar o número e o premio. Aquí tedes unhas pequenas evidencias dos momentos vividos.
Finalmente tivemos a presentación oficial do coro escolar formado por 60 alumnos e alumnas de primaria. Actividade organizada e dirixida polas mestras de música (Eva e Ángeles) e coa colaboración de Andrés acompañando co seu toque de guitarra. Agradecer a todas e todos os integrantes que decidiron formar parte desta aventura de xeito voluntario así como ás mestras que empregan o seu tempo de lecer para ensaiar co coro. Aquí vai a canción coa que se presentou o coro.
BOAS FESTAS!
- 46 lecturas
