PLANTA OS TEUS SOÑOS E DÉIXAOS CRECER
Este ano imos traballar a horta na escola. E para comezar o curso, imos presentarnos empregando unha planta. Na entrada, están as plantas dos profes, eles tamén fixeron a súa presentación. Animámosvos a que as vexades.
Por tal motivo, o alumnado debe escoller unha planta coa que se identifique por unha característica ou por gusto persoal e traela ao cole. Esta planta vai estar no centro durante todo o curso escolar. Deberán especificar nunha tarxeta como se chama, que coidados precisa (luz, auga, interior/exterior) e por a escolleches.
Moitas grazas por participar!!!
Rodearse de plantas, pode ter efectos positivos tanto no corpo como na mente porque:
- Reducen os niveis de estrés e ansiedade: estar en presenza de plantas pode inducir sensación de calma e tranquilidade. Coidar as plantas tamén pode ser unha actividade terapéutica que axuda a aliviar o estrés acumulado no día a día.
- Actúan como purificadores naturais de aire: eliminan toxinas do aire, reducen o risco de enfermidades respiratorias e alerxias.
- Melloran atención e reducen a fatiga mental.
- As cores verdes e as formas orgánicas das plantas estimulan a mente e fomentan un ambiente de traballo máis feliz: inspiran pensamentos creativos e proporcionan unha sensación de benestar.
- Fortalecen o teu sistema inmunolóxico ao mellorar a calidade do aire e reducir o estrés.
.
