CEIP de Piñeiros

Informamos a todas aquelas familias que necesitedes contactar co CEIP Piñeiros ao longo deste verán, para solventar dúbidas ou solicitar algunha xestión, que debedes enviar un correo ao correo electrónico do centro, explicando o voso motivo e, o máis axiña posible, poñerémonos en contacto con vós.

Correo electrónico do CEIP Piñeiros: ceip.pinheiros@edu.xunta.gal

Informamos a todas as familias do alumnado que, no vindeiro ano académico, estará matriculado en calquer curso de Educación Primaria que xa podedes achegarvos pola secretaría do centro a retirar os vales para a aquisición de material escolar, así como os vales para a adquisición dos libros de texto para o alumnado que estará escolarizado no vindeiro curso 2024/2025 en 1º e 2º de Educación Primaria.

Informamos a todas as familias que as datas e o horario de atención de secretaría no CEIP Piñeiros durante o mes de xullo será dende o luns, 1 de xullo de 2024 ata o luns, 15 de xullo de 2024, ambos os dous incluídos e en horario dende as 10:00 ata as 13:00 horas.

Aquí están os vídeos do festival de final de curso que tivo lugar no Pazo da Cultura de Narón o pasado luns 17 de xuño!

Informamos ás familias do alumnado do CEIP Piñeiros que xa podedes consultar a relación de libros de texto que o alumnado de Educación Primaria empregará no vindeiro curso académico 2024-2025. Para consultar esa relación de libros de texto, tedes que premer "aquí".

Aquelas familias que non solicitáchedes as axudas para a adquisición de libros de texto ou para participar no fondo solidario de libros de texto ou ben non vos corresponden esas axudas tedes que adquirir os libros de texto relacionados na listaxe publicada.