CEIP de Piñeiros

De acordo coa Resolución do 10 de setembro de 2024, da Dirección Xeral de Ordenación e Innovación Educativa, pola que se establece o calendario para a realización de eleccións de membros dos consellos escolares de centros docentes sostidos con fondos públicos (DOG 18 de setembro de 2024), a Xunta Electoral do CEIP Piñeiros do Concello de Narón, en virtude das atribucións que lle son conferidas pola lexislación vixente, dispón a convocatoria de eleccións ai Consello Escolar.

Para consultar as normas que rexen todo este proceso no sector de pais e nais, tedes que premer "aquí".

Para descargar o formulario para presentar candidatura no sector de pais e nais, tedes que premer "aquí".

Informamos a todas as familias do CEIP Piñeiros que, ao longo do mes de novembro de 2024, todos os centros educativos de Galicia van desenvolver o proceso de elección de membros dos Consellos Escolares.

Para consultar a primeira información relacionada con este proceso, tedes que premer "aquí".

Queridas familias:

O pasado mércores, 18 de setembro, organizamos con gran entusiasmo a festa da escuma, un evento que marcou o inicio do novo curso escolar e unha divertida despedida do verán. Foi unha xornada especial, onde os nenos e nenas gozaron de música, xogos, e por suposto, de moita escuma!

O obxectivo desta actividade foi promover a convivencia e xerar un ambiente festivo que nos prepare para afrontar con enerxía e motivación o ano académico que comeza. Ver os sorrisos nos rostros dos nenos e nenas énchenos de satisfacción e impúlsanos a seguir organizando este tipo de eventos para fortalecer os lazos entre a nosa comunidade educativa.

Agradecemos a todos os que colaboraron na organización e participación desta gran festa, así como aos pais pola súa confianza e apoio constante.

Esperamos que este curso estea cheo de éxitos e aprendizaxes para todos!

Un cordial saúdo,

Inclúe-T

CEIP Piñeiros.

Informamos a todas as familias do alumnado que vaian facer uso do comedor escolar durante este curso 2024-2025 das segunintes normas que todo o alumnado e familias tedes que cumprir:

- O servizo de comedor escolar comezará a funcionar o mércores 11 de setembro de 2024.

- O horario de funcionamento e de apertura do comedor escolar é dende as 14:00 horas ata as 16:00 horas.

- Moi importante: Se hai alumnos/as que nalgún dos días que solicitaron o uso do comedor non poden facer uso deste servizo por non acudir ese día ao centro ou ben por outros motivos persoais, as familias tedes a

obriga de enviar un correo electrónico, antes das 9:30 horas da mañá, á dirección de correo electrónico que indicamos a continuación e no que debedes informar da ausencia do voso fillo/a ese día ao comedor escolar,

indicando o seu nome e apelidos e curso no que está escolarizado. O correo electrónico ao que debedes enviar esa información é o seguinte: comedor.ceip.pinheiros@edu.xunta.gal

- Para comunicar as ausencias non debedes nin chamar por teléfono ao centro nin notificalo a través do outro correo do centro. Só recolleremos as ausencias ao comedor dos vosos fillos/as a través do correo

electrónico indicado arriba.

- Na páxina web do CEIP Piñeiros, no apartado de comedor escolar, á esquerda da páxina, podedes consultar o menú que a empresa adxudicataria de cátering -Jardanay- elaborará ao longo deste primeiro trimestre.

- Moi importante: Seguindo a instrucción 2/2024, da Secretaría Xeral Técnica da Consellería de Educación sobre o funcionamento dos comedores escolares de xestión indirecta no curso escolar 2024-2025, os

alumnos/as usuarios do comedor escolar que en 3 ocasións falten ao comedor sen que mediara, antes das 9:30 horas dese día, comunicación previa da súa ausencia a través do correo electrónico que indicamos, tanto

sexan usuarios pagadores como gratuítos, quedarán privados durante 10 días do uso do comedor escolar.

- O horario de recollida dos vosos fillos/as no comedor escolar é o seguinte:

• 1ª quenda de recollida: ás 15:00 horas.

• 2ª quenda de recollida: ás 15:30 horas

• 3ª quenda de recollida: ás 15:50 horas

Comunicamos a todas as familias con fillos e fillas usuarios/as do comedor escolar do CEIP Piñeiros do Concello de Narón que a Consellería de Educación enviou aos centros educativos un documento de corrección de erros nas instrucións 2/2024 de comedores de xestión indirecta.

Nesa corrección de erros se sinala que as parellas de feito, as parellas separadas e as parellas divorciadas coa guarda e custodia compartida dos seus fillos e fillas forman unha unidade familiar. Iso significa que todos aqueles pais, nais ou titores legais que se atopen en calquera desas situacións  (membro dunha parella de feito, dunha parella separada ou dunha parella divorciada coa guarda e custodia compartida dos seus fillos ou fillas) e que non incluíron os seus datos persoais no modelo de autodeclaración da solicitude de comedor, nin o asinaron, deberán acudir aos respectivos centros educativos para incluir os seus datos persoais e os datos da súa renda anual neta do IRPF correspondente ao ano 2023.

O prazo para corrixir a autodeclaración comeza o luns, 2 de setembro de 2024 e remata o venres, 6 de setembro de 2024, preferiblemente dende as 12:00 horas ata as 14:00 horas.

Lembrade que a plataforma de intermedicación de datos existente permitirá cruzar os datos de renda neta familiar per cápita autodeclarados polos suxeitos obrigados ao pagamento das tarifas de comedor escolar cos datos de renda neta familiar per cápita contidos nas correspondentes declaracións do IRPF de ditos suxeitos.

Se nese cruce de datos, a Consellería de Educación detecta que faltan os datos persoais e os datos da renda anual do IRPF correspondentes ao ano 2023 dun dos cónxuxes ou ben son erróneos e, como consecuencia, ao alumno ou á alumna non lle corresponde gratuidade no servizo de comedor, xirará liquidacións aos obrigados ao pagamento das tarifas, nas que se efectuarán correccións dos importes a aboar.

Para consultar as instrucións 2/2024 da Secretaría Xeral Técnica da Consellería de Educación, do 1 de xuño, sobre funcionamento dos comedores escolares de xestión indirecta no curso escolar 2024-2025, preme "aquí".

Para consultar o documento sobre a corrección de erros nas instruccións sinaladas no parágrafo de arriba, preme "aquí".