O Día Mundial da Infancia, que se celebra todos os anos o 20 de novembro, é un día adicado a todos os nenos e nenas do mundo.
É un día de celebración polos avances acadados, pero sobre todo é un día para pór o énfase sobre a situación dos nenos e nenas mais desfavorecidos, dar a coñecer os dereitos da infancia e concienciar ás persoas da importancia de traballar día a día polo seu benestar e desenvolvemento.
Dende o Departamento de Orientación queremos facer fincapé na importancia do 20 de novembro. Cremos que é unha data moi significativa para nós dado que os nenos e as nenas son o pilar fundamental da escola, e do mundo en xeral.
Achegamos a toda a comunidade educativa o seguinte tríptico no que veñen representados os Dereitos dos nenos e das nenas pero tamén as Obrigas que eles e elas deben aportar.
Feliz día!
Bea L
