Estimadas familias,
Queremos informarlles que recentemente detectamos algún caso de piollos no noso centro.
Os piollos son parásitos que habitan exclusivamente na cabeza humana e se contaxian moi facilmente por contacto directo. Para manter o brote baixo control pedimos a vosa colaboración e recomendamos que sigan as seguintes recomendacións:
Tratamento
Si detectamos piollos o primeiro paso é non alarmarse e tranquilizarse. Os piollos afectan a persoas de calquera idade aínda que son os nenos/as, polos seus hábitos, os que maior risco de contaxio teñen. A súa presenza non está relacionada coa suciedade polo que se trata simplemente de prepararse para afrontalo con naturalidade.
Un tratamento pediculicida eficaz baséase en tres pasos básicos:
1 Eliminar os piollos: Aplicar a loción antipiollos sobre o pelo seco seguindo as instrucións do produto detidamente.
2 Retirar piollos e lendres mortas: Recoméndase o uso dunha lendreira ou peite de púas estreitas. Ademais existen produtos especificamente para facilitar a eliminación mecánica a base de ingredentes que disolven a sustancia que fai que as lendres resulten tan difíciles de extraer.
3 Protexer de novos contaxios. Unha vez realizados os pasos anteriores, recoméndase utilizar un produto repelente sempre que exista risco de contaxio.
IMPORTANTE: Ningún produto elimina 100% as lendres. Por iso recoméndase repetir o tratamento ao cabo de 7-10 días, tempo de incubación necesario para que os ovos eclosionen e se convertan en piollos.
Recomendacións
- Evita o intercambio de cepillos, peites, bufandas, gorras e toallas mentres exista risco de contaxio. - Se ten o pelo largo é mellor que o leve recollido, co pescozo despexado é máis difícil que volva a ter piollos.
- Lava todos os obxectos que tiveran contacto coa cabeza con auga ben quente.
- E lembra que avisando a teu entorno axudarás a previr o contaxio doutros nenos/as.
Grazas pola vosa colaboración.
