Eventos
Estimadas familias:
Consideramos necesario informar e recordar distintos aspectos que poden influír no funcionamento do centro.
Por unha parte, temos que incidir no deber de puntualidade dos alumnos/as ao centro. Ás faltas reiteradas de puntualidade considéranse como unha falta leve contra á convivencia do centro, recollidas na lei 4/2011 de convivencia e participación nos centros educativos.
Por outro lado, é convinte recordar que o 10% de faltas mensuais sen xustificar ou indebidamente xustificadas supoñen a apertura dun procedemento de absentismo escolar. Para coñecer as faltas que son xustificables podedes consultar o artigo 2.4 do protocolo de absentismo escolar da Consellería de Educación. O punto 2.4 di o seguinte:
"2.4. Falta xustificable
1. Con carácter xeral, teñen a consideración de xustificables as seguintes faltas de asistencia a clase do alumnado:
a) Citacións que impliquen un deber inescusable, sendo xustificable o tempo necesario.
b) Morte ou enfermidade grave dun familiar de primeiro ou segundo grao.
c) Tramitación de documentos oficiais, presentación a exames e probas oficiais ou similares, sendo xustificable o tempo necesario.
d) Indisposicións, podendo ser xustificables ata un máximo de 2 días lectivos.
e) Enfermidade, sendo xustificable o tempo de prescrición médica.
2. No caso de faltas de asistencia a clase do alumnado non contempladas no apartado anterior, quedará a criterio da dirección do centro educativo a consideración das excepcionais circunstancias que concorran para a súa xustificación ou non. En todo caso, deberá garantirse o dereito á escolarización da alumna ou do alumno."
Por último e non menos importante, hai que recordar encarecidamente que temos un Protocolo Covid no centro que é necesario cumprir, sobre todo no que se refire a uso de mascarillas,distancia e circulación polo centro.
O aumento de casos escolares en Galicia pode provocar a volta a medidas máis restrictivas polo que pedimos ás familias que dende a casa traballen cos nenos e nenas o emprego da mascarilla e o respeto polas distancias. A suavidade das medidas adoptadas neste curso con respecto a actividades no exterior, actividades extraescolares, comedor etc.. poden verse afectadas no caso de ter que volver a medidas máis restrictivas. Os posibles confinamentos tamén están determinados polo incumplimento destas medidas.
Un saúdo e gracias pola vosa colaboración.
Dende o ANPA QUINTÁN estanse a planificar actividades para ás familias pola igualdade. Deixámosvos toda a información:
Mañá luns celébranse as eleccións ao Consello Escolar do CEIP Pedro Barrié de la Maza. Recordade que é necesario cumprir as normas do Protocolo COVID do centro. Teredes marcas coa distancia necesaria para agardar turno. Tentade non facer aglomeracións no recinto do centro, respectando o transcurso normal das clases.
Dende o CEIP Pedro Barrié de la Maza, quixemos conmemorar o día contra a violencia de xénero cun video moi especial. Esperamos que vos guste.
Estimadas familias:
Neste curso o centro ten que elaborar o Plan Dixital de Centro. É necesario a colaboración de todos na elaboración do Plan. Neste caso, comezamos pola realización dunha enquisa ao alumnado de quinto e sexto. acabades de recibir en Abalar Móbil o enlace á enquisa para que a podades cubir.
É moi importante colaborar para que o centro avance na educación dixital. A enquisa estará aberta dende o 1 de decembro ata o 12 de decembro. É moi importante que colaboredes axudando aos rapaces/as a cubrila. Grazas de antemán.
ENLACE Á ENQUISA PARA ALUMNADO DE QUINTO E SEXTO
Estimadas familias:
Queremos recordar que o vindeiro martes día 7 de decembro non haberá clase ao ser un dos dous días non lectivos que escolle o centro seguindo a Orde que establece o calendario escolar. Pasade boa ponte¡¡
Prezadas familias:
Comunicamos que se confirmaron dous casos da Covid-19 no centro educativo.
O SARS- CoV-2 é un virus que se transmite principalmente de persoa a persoa a través do contacto estreito e das pingas respiratorias que se emiten ao tusir ou esbirrar. Os síntomas poden aparecer ata os 10 días despois de estar en contacto cun caso. A infección pode cursar con síntomas respiratorios como febre, tose ou sensación de falta de aire; con síntomas inespecíficos como a alteración do gusto ou do olfacto, dores musculares, diarrea, dor torácica ou dor de cabeza entre outros; ou tamén pode cursar de forma asintomática.
Co fin de evitar a transmisión da infección a outras persoas, é necesario adoptar as seguintes medidas de prevención:
- Un estudo de contactos é un proceso mediante o cal se identifican e clasifican aos contactos dun caso confirmado cuns criterios establecidos polas autoridades sanitarias. Se o/a seu/súa fillo/a é un contacto estreito, as autoridades sanitarias contactarán coa familia para dar as indicacións necesarias.
- Os contactos estreitos deben realizar corentena durante 10 días excepto aqueles que tivesen unha infección previa documentada cunha PCR positiva nos 3 meses previos. En caso de ser un contacto estreito é posible que nos próximos días poidan aparecer síntomas compatibles coa Covid-19, ante os cales deberán permanecer en illamento e contactar telefonicamente co seu centro de saúde ou co teléfono de referencia da comunidade autónoma.
- O resto da comunidade educativa, pode seguir acudindo ao centro, extremando as medidas de precaución e vixiando a aparición de síntomas compatibles coa Covid-19. Se algunha persoa ten condicións de especial vulnerabilidade para a Covid-19 pode acudir ao centro, sempre que a súa condición clínica estea controlada e así o permita, e mantendo medidas de protección de forma rigorosa, salvo indicación médica de non asistir.
- Se o/a menor ou algunha persoa da súa contorna próxima (outros menores ou adultos) desenvolve síntomas compatibles nos próximos días, deberá permanecer no seu domicilio e contactar telefonicamente cos servizos de saúde.
Pode atopar información sobre as medidas de corentena e illamento na Web de información para a cidadanía sobre SARS-CoV-2 do SERGAS.
