Skip to Content

Complementarias

Celebramos o Magosto no noso cole!

Ven, 15/11/2024 - 14:03 — Alberto

O pasado martes 12 de novembro gozamos dun día moi especial no colexio coa celebración do tradicional Magosto. 

Comezamos coa clásica carreira de San Martiño, onde todos os cursos competiron con moito entusiasmo. A continuación, puxemos a proba a nosa habilidade e creatividade en diferentes xogos con castañas: carreiras, roubacastañas, pano do río,paracaídas... Por suposto, non podía faltar o momento de repoñer forzas: saboreamos uns deliciosos bolos preñados xunto cunhas castañas quentiñas.

Deixamos un vídeo con algunhas fotografís do día, na galería do centro pódense atopar esas e moitas máis.

Plan Director - Acoso, ciberacoso e redes sociais

Ven, 15/11/2024 - 10:27 — Alberto

O pasado venres 8 de novembro, tivemos o pracer de contar coa Garda Civil para impartir unha interesante charla sobre un tema de grande relevancia: a seguridade nas redes sociais, o acoso e o ciberacoso.

Durante a sesión, o alumnado tivo a oportunidade de reflexionar sobre os riscos asociados ao uso de Internet e as redes sociais, así como de coñecer ferramentas e estratexias para previr situacións de acoso e ciberacoso.

 

Día das Bibliotecas Escolares

Mar, 12/11/2024 - 10:35 — Alberto

Para conmemorar o Día das Biliotecas Escolares o alumnado de 6º de Educación Primaria preparou unha obra de teatro basada no conto "Guapa". 

Como vén sendo habitual tamén se iniciou coa rotación das mochilas viaxeiras, cheas de xogos e historias que levar ás casas.

(Podedes atopar o vídeo da obra de teatro na galería do centro, situada na parte superior esquerda da páxina web)

 

Samaín 2024

Mér, 06/11/2024 - 12:35 — Alberto

Celebramos no noso cole o samaín cunha morea de actividades. Durante a mañá todo o alumnado realizou un roteiro por distintos obradoiros relacionados coa temática desta celebración.

Deixámosvos un video-resumo do día así como todas as imaxes na galería do centro (situada na parte superior esquerda da web do centro).

 

La vuelta al cole. Uno entre cien mil

Mar, 05/11/2024 - 20:05 — Alberto

O venres 25 de outubro levamos a cabo "La vuelta al cole", unha proposta da fundación "Unoentrecienmil" para recadar fondos para a investigación sobre a leucemia infantil. 

Deixámosvos un pequeno vídeo-resumo da actividade así como as imaxes da mesma na galería do centro, a cal se pode atopar na parte superior esquedar da páxina web.

(Adxúntase o recibo xustificativo de ingreso á fundación.)

 

La vuelta al cole. Uno entre cien mil

Mar, 05/11/2024 - 20:03 — Alberto

O venres 25 de outubro levamos a cabo "La vuelta al cole", unha proposta da fundación "Unoentrecienmil" para recabar fondos para a investigación sobre a leucemia infantil. 

Deixámosvos un pequeno vídeo-resumo da actividade así como as imaxes da mesma na galería do centro, a cal se pode atopar na parte superior esquedar da páxina web.

 

 

La vuelta al cole. Uno entre cien mil

Mar, 05/11/2024 - 19:58 — Alberto

O venres 25 de outubro levamos a cabo "La vuelta al cole", unha proposta da fundación "Unoentrecienmil" para recabar fondos para a investigación sobre a leucemia infantil. 

Deixámosvos un pequeno vídeo-resumo da actividade así como as imaxes da mesma na galería do centro, a cal se pode atopar na parte superior esquedar da páxina web.

 

 

 

 

 

 

Festival fin de curso 2024.

Ven, 28/06/2024 - 13:16 — miguelbg

Fotos do festival que puxo fin ao curso 2023-24 con diversas actuacións dos nosos grandes artistas. Parabéns polas súas actuacións.

Tamén foi o momento de homenaxear á nosa directora, Bea, que deixa o cole despois de moitos anos de entregado servizo á comunidade educativa do noso centro. Mil grazas e moita sorte na túa nova andaina. Esta será sempre a túa casa. Querémoste.

Exposición e obradoiros de fin de proxecto dos escritores.

Xov, 27/06/2024 - 10:28 — miguelbg

Como fin do proxecto documental integrado anual dos escritores, programamos unha exposición dos libros cooperativos creados polo alumando durante o curso así como unha serie de obradoiros e actividades relacionadas.

Obradoiros de benestar

Xov, 27/06/2024 - 10:07 — miguelbg

O noso novo Plan de Benestar emocional ten como obxectivo promover unha contorna emocionalmente saudable e respectuosa que fomente o desenvolvemento de habilidades sociais e emocionais nos nosos pequenos e pequenas, cultivando así unha base sólida para o seu benestar e convivencia.

Así, no marco deste Plan de Benestar programamos unha serie de obradoiros que se desenvolveron na derradeira semana do curso.

Ver fotos clicando na imaxe.

Obradoiro de decoración de neumáticos.

Mar, 25/06/2024 - 23:00 — miguelbg

No 3º trimestre o alumnado de 5º e 6º de primaria traballou na decoración de neumáticos usados de cara a que os máis pequenos os poidan usar no recreos e tempos de lecer.

 

Contacontos en infantil con Sabela Gago.

Mar, 25/06/2024 - 23:00 — miguelbg

Fotos da sesión de contacontos que puido disfrutar o alumnado de infantil coa sempre fantástica Sabela Gago.

Día da nena na ciencia + proxecto "A que lle temos medo"

Lun, 24/06/2024 - 23:00 — miguelbg

Aquí podedes ver as fotos de dúas actividades que quedaran pendentes de publicar durante o curso:

Día da nena na ciencia

 

Proxecto "A que lle temos medo" realizado polo Samaín en infantil. Máis fotos clicando na imaxe.

MUV (Museo virtual da Fundación Mª José Jove)

Lun, 24/06/2024 - 23:00 — miguelbg

Este curso, o alumnado de Educación Infantil e 1° ciclo de E.P. tivo a sorte de participar no MUV, o museo virtual, unha iniciativa da fundación María José Jove, que pretende achegar a arte e a cultura ás escolas do rural dun xeito interactivo a través das novas tecnoloxías.

No álbum de fotos podedes ver todas as actividades que realizaron.

Obradoiro de imprenta creativa con Alouette Machine.

Lun, 27/05/2024 - 19:55 — miguelbg

Dentro do noso proxecto de centro sobre as escritoras e escritores de contos, fai uns días puidemos facer unha viaxe ao pasado e ver como se facían antes os libros. E todo sen saír do cole, grazas ao obradoiro de imprenta creativa que levou a cabo Alouette Machine.

Alouette Machine é un proxecto mutante e errante. Unha imprenta impulsada por un motor de cinco cilindros. Un espazo de creación, papel, palabras, poesía, fugas e paixóns, rabia e dúbidas. Letras centenarias de madeira, chumbo, tinta, prensas, rabia humana e presión animal (ou viceversa).

Distribuir contido


by Dr. Radut