Animación á lectura

Como fin do proxecto documental integrado anual dos escritores, programamos unha exposición dos libros cooperativos creados polo alumando durante o curso así como unha serie de obradoiros e actividades relacionadas.

Dentro do noso proxecto de centro sobre as escritoras e escritores de contos, fai uns días puidemos facer unha viaxe ao pasado e ver como se facían antes os libros. E todo sen saír do cole, grazas ao obradoiro de imprenta creativa que levou a cabo Alouette Machine.

Alouette Machine é un proxecto mutante e errante. Unha imprenta impulsada por un motor de cinco cilindros. Un espazo de creación, papel, palabras, poesía, fugas e paixóns, rabia e dúbidas. Letras centenarias de madeira, chumbo, tinta, prensas, rabia humana e presión animal (ou viceversa).

O pasado mércores tivemos un encontro con Xabier Domínguez, que aparte de profe (xa estivo traballando no cole o curso pasado), é o autor de diversos contos para os máis pequenos, como a colección de Naturizo, un simpático ourizo que xa é todo un personaxe no noso centro. De feito, na visita, Xabi inaugurou un mural que ten a Naturizo de protagonista, e tamén o noso invernadoiro ao que demos en chamarlle "O invernadoiro de Naturizo".

Un millón de grazas, profe!!

No penúltimo día do trimestre, o alumnado de 5º e 6º de primaria disfrutou dun xogo de escape ou escape room no que o obxectivo era conseguir a chave para poder saír da aula. A clave para atopar a chave estaba nun caixa pechada con candados de chave e candados de combinación numérica. Para abrir os candados de chave tiñan que coñecer e investigar sobre Rosalía de Castro, e para abrir os candados de combinación debían poñer a proba os coñecementos matemáticos adquiridos durante este curso.

Fotos da actividade PLANTANDO ÁRBORES CON PINCEIS, que ten un dobre sentido:

Por unha banda supón o peche do proxecto dos pintores do curso pasado, e pechámolo pintando no mural e en bolsas de tea); e por outra banda supón o comezo do novo proxecto deste curso que tratará sobre os escritores de contos, e o mural pintado recolle unha paisaxe de conto, e ten como protagonista a Naturizo, o noso ourizo máis querido e protagonista dunha serie de contos para os máis pequenos.

PLANTANDO ÁRBORES CON PINCEIS é un proxecto escolar pola sostenibilidade que une cultura e coidado do medioambiente a través da realización no centro de Murais Artísticos, Colaborativos e Ecolóxicos con pinturas fotocatalíticas anticontaminación, que absorben e depuran os contaminantes que hai no aire, coma os óxidos de nitróxeno e outros gases nocivos da industria e do tráfico rodado. Unha iniciativa innovadora que ten como obxectivo achegar ao alumnado unha mensaxe positiva sobre o coidado da contorna, propoñendo alternativas de ocio que fomentan o respecto polo medio natural a través da arte, cunha metodoloxía participativa e colaborativa.