O pasado xoves 10 de marzo, disputouse no pavillón de Amoeiro o campionato comarcal de "Xogando ao atletismo" en categoría alevín, coa participación do noso centro e 5 colexios máis.
Foi outra gran mañá deportiva onde as carreiras, os saltos e os lanzamentos serviron para que o alumnado alevín disfrutase do atletismo adaptado á súa idade.
Os nosos atletas alevíns, igual que os benxamíns a semana anterior, tiveron un excelente comportamento e un destacable rendemento en todas as probas. Parabéns a eles e a todos os participantes!
Aproveitamos para agradecer especialmente á ANPA do colexio a súa colaboración e bo facer á hora de preparar un estupendo tentempé para o profesorado colaborador.
