Axudas libros de texto e material escolar- Curso 2021-2022

A Orde do 6 de maio de 2021 regula a participación no fondo solidario de libros de texto e convoca axudas para adquirir libros de texto e material escolar destinadas ao alumnado matriculado en Educación Primaria para o curso escolar 2021/2022.

Só recibirán vales de axuda para libros de texto o alumnado de 1 º e 2º de Ed. Primaria.

O alumnado de 3º, 4º de Ed. Primaria terá que solicitar libros do fondo de libros. O alumnado de 5º e 6º de Ed. Primaria recibirá un ordenador do programa EDIXGAL.

• O prazo para presentar solicitudes rematará o día 22 de xuño de 2021 (este incluído).
• Impresos de solicitude das axudas; Anexos I e II. É o mesmo impreso para as tres axudas (Libros 1º e 2º, fondo libros e material escolar).
• Só se cumprimentará un impreso por familia para alumnado do noso centro.
• Aplicación de Fondo de libros para a súa presentación en liña (preferentemente).
• Podedes consultar a Orde que a regula neste enlace: Orde 6 de maio de 2021 (DOG 20 de maio)