Skip to Content

Complementarias

Actividades no Día Internacional para a eliminación da violencia contra a muller.

Dom, 29/11/2020 - 12:56 — miguelbg
Día contra a violencia machista.
Durante este día houbo cancións con voz en directo, bailes, manualidades, confección de murais temáticos, libro-fórum...
E aquí están todas as fotos.

Día Internacional para a eliminación da violencia contra a muller.

Mér, 25/11/2020 - 20:07 — miguelbg

Na semana previa ao Día pola eliminación da violencia contra a muller, o alumnado de primaria interpretou "La puerta violeta". Así, guiados pola profe de Música (Cris), os propios alumn@s poñen a voz e tamén os xestos en linguaxe de signos, dando como resultado este fermoso videoclip.

Charlas sobre educación afectivo-sexual

Xov, 05/11/2020 - 11:27 — miguelbg

Fotos da actividade impartida por especialistas da Asociación Sexus para todo o alumnado e profesorado do centro. Foi unha actividade impulsada pola ANPA do colexio, dentro do marco de políticas de fomento da igualdade e prevención da violencia de xénero.

Día das bibliotecas e Festa do Samaín/Halloween 2020.

Sáb, 31/10/2020 - 16:36 — miguelbg
Fotos da celebración no colexio do Día das bibliotecas e mailo Samaín.
Tivemos diversas actividades. Algunhas delas foron:
- Concurso de relatos terroríficos en 5º e 6º de primaria.
- Teatro: os de 5º e 6º contaron "Contos do revés" ao resto do colexio.
- Música: o alumnado de 3º e 4º interpretou unha canción (Miña abuela Manuela).
- Obradoiro de antifaces de Samaín en cada aula.
- Sesións de cinema.
E outras actividades nas distintas aulas de infantil e primaria.
 

Día do hóckei 2020

Ven, 23/10/2020 - 12:52 — miguelbg

Por segundo ano consecutivo, celebramos o Día do hóckei con Yassin, ex-xogador internacional coa súa selección, campión do mundo en varias ocasións e que estivo en varias olimpiadas. O agora entrenador do clube Cidade de Ourense deu unha clase de iniciación ao hóckei na os rapaces puideron coñecer e probar este completo deporte.

Ademais, os nenos e nenas do concello teñen a oportunidade de apuntarse na Escola Municipal de Hóckei para practicar este deporte.

Podedes ver as fotos do Día do hóckei clicando na imaxe de abaixo.

2º PREMIO NO CONCURSO CONTRA A VIOLENCIA DE XÉNERO !!

Lun, 19/10/2020 - 19:43 — miguelbg
Gañamos o 2º premio no concurso pola igualdade promovido por ADERCOU !!!
O alumnado de 5º e 6º de primaria, coordinados pola mestra de Plástica (Patricia), e coa axuda da mestra de Música (Cristina), elaboraron unhos estupendos murais que obtiveron o 2º premio. 800 euros que invertiremos en equipamentos que favorezan a coeducación.
O sábado saíu a nova no diario La Región.
 
E aquí tedes as fotos dos murais (que non saen na noticia da Región...):
  

Homenaxe a Concepción Arenal - Día da Muller 2020.

Xov, 14/05/2020 - 18:30 — miguelbg

No mes de marzo celebramos o Día da Muller xunto co concello, nun acto de homenaxe a Concepción Arenal, no que algunhas das nosas alumnas tiveron a oportunidade de ler unhas palabras sobre "Doña Concha".

Día do amor e a amizade_2020

Mar, 25/02/2020 - 10:57 — miguelbg

Na semana do 14 de febreiro celebramos o San Valentín como o Día do amor e a amizade con distintas actividades:

  • Mensaxes de amizade: todos escribiron e recibiron unha mensaxe positiva para un compañeiro do cole.
  • Muro da amizade: Construímos un muro coas palabras amor e amizade en diferentes idiomas.
  • Cartas de San Valentín: lemos unha escolma de cartas de amor/amizade de entre as que se presentaron ao concurso que se convocou para 5º e 6º de primaria.

Obradoiro de xogos populares

Sáb, 08/02/2020 - 11:14 — miguelbg

O venres 7 de febreiro disfrutamos con Lito do obradoiro de xogos populares, que solicitamos, un ano máis, ao Centro de Cultura Popular Xaquín Lorenzo. Ao longo da mañá participou todo o alumnado de primaria, practicando diferentes xogos e brincadeiras como a chave, a billarda ou os zancos.

Ximcana da igualdade.

Xov, 30/01/2020 - 15:34 — miguelbg

Esta semana realizamos unha ximcana da igualdade, na que os nenos/as participaron en diversas actividades lúdicas coas que aprenderon a traballar en equipo e sen diferenzas en función do xénero.

(Clicade na imaxe para ver as fotos.)

Teatro en inglés no Auditorio de Ourense.

Mar, 21/01/2020 - 21:19 — miguelbg

Hoxe, o alumnado de 3º, 4º, 5º e 6º de primaria, asistiu a unha divertida obra de teatro (Unboxing Alice), en inglés, no Auditorio de Ourense.

(Clica na imaxe para ver as fotos.)

Pupas, sustos e outros disgustos.

Lun, 20/01/2020 - 21:54 — miguelbg

Hoxe tocoulles aos de 3º, 4º e 5º de primaria, aprender sobre primeiros auxilios coa axuda de técnicos de emerxencias sanitarias e persoal de enfermería do Sergas, dentro do programa "Pupas, sustos e outros disgustos". Aprenderon un montón!

Moitas grazas a Elías pola proposta e por xestionar a solicitude da actividade.

25N - MANS CONTRA A VIOLENCIA

Dom, 22/12/2019 - 13:24 — miguelbg

Durante o mes de novembro realizamos varias actividades relacionadas co 25 de novembro, Día Internacional para a eliminación da violencia contra a muller:

  • Lectura e visionado de vídeos sobre varios contos coeducativos.
  • Murais e actvidades diversas a nivel de aula con eses libros.
  • Libro-fórum na biblioteca.
  • Mural colectivo: 25N - MANS CONTRA A VIOLENCIA.
  • Rap contra a violencia de xénero.
  • Elaboración dun vídeo resumo de todo o traballado:

Fotos:

https://photos.app.goo.gl/thgNhLHcnaWboqro8

Prácticas de primeiros auxilios

Dom, 08/12/2019 - 22:20 — miguelbg

O pasado luns, 2 de decembro, contamos un ano máis coa presenza de Sara e Elías para instruir ao alumnado de 5º e 6º de primaria acerca dos primeiros auxilios, con especial fincapé na reanimación cardiopulmonar. Primeiro recibiron unha breve charla teórica e logo fixeron a parte práctica usando os bonecos e incluso aos propios compañeiros.

Dende o cole agradecemos de novo a Elías e Sara a súa presenza, colaboración, paciencia e bo facer cos nosos rapaces e rapazas. Ver fotos clicando na imaxe.

Xogando ao atletismo Sportur 2019

Ven, 15/11/2019 - 11:00 — miguelbg

O xoves 14 de novembro, participamos na competición de atletismo celebrada en Expourense con motivo da Feira Sportur 2019. Participamos con 2 equipos benxamíns e 2 alevíns. Competimos nunhas magníficas instalacións e pasámolo en grande xunto con moitos outros colexios da nosa comarca e tamén da do Ribeiro.

Os nosos atletas tiveron actuacións moi destacadas, tanto a nivel individual como por equipos. Podedes ver aquí as fotos do evento.

Distribuir contido


by Dr. Radut