Educación física

O xoves, 2 de abril, participamos nunha convivencia de fútbol cos colexios de Maside, Cambeo e Cenlle. Distrutamos dun gran día de sol, deporte e convivencia, con remate final en forma de xantar campestre na área termal de Cenlle, a cuxo concello agradecemos a colaboración para ceder as instalacións e adquirir os trofeos do evento.

O pasado mércores 16 de xaneiro disputouse a final comarcal de campo a través, cun novo éxito de participación e con destacadas actuacións das nosas atletas.

Así, ademáis das medallas obtidas por Paula e Marta, o equipo alevín feminino (4º e 5º de primaria), quedou campión comarcal e clasifícase para o campionato provincial.

Tamén Pablo Díaz e Cíes Valentín clasificáronse individualmente para o provincial ao meterse entre os oito primeiros clasificados da súa categoría.

Parabéns a todos eles!!

O álbum de fotos está dispoñible picando na imaxe.

No penúltimo día deste curso 2017-18 contamos de novo coa presenza de Sara e máis Elías para impartir unha práctica de primeiros auxilios ao alumnado de 5º e 6º de primaria. Agradecémoslles unha vez máis a súa colaboración e contamos con eles para vindeiras ocasións.

O mércores 25 de marzo tivo lugar o Torneo anual de minibalonmán alevín no polideportivo Paco Chao do Carballiño. Participaron un total de 7 equipos de centros da comarca do Arenteiro, conseguindo o noso colexio un meritorio 4º posto, ademais dun comportamento e actitude estupenda, coma sempre. Parabéns a todos os participantes. Pinchade na imaxe para ver as fotos.

Para ver as fotos da xornada de educación vial do pasado luns, 19 de marzo, clicade na imaxe.

Fotos das xornadas de xogos populares que tivemos no centro durante este mes, impartidas por Lito, do Centro de Cultura Popular Xaquín Lorenzo.

Nestas xornadas os nenos puideron aprender e difrutar con xogos e enredos tradicionais como a birolla, os bolos/birlos, xoguetes feitos con canas ou con material de refugallo...

Xa podedes ver as fotos da excursión realizada o luns 19 de xuño ao Centro de Ocio Acougo, de Vilamarín, onde os rapaces puideron facer gymkanas, slackline, andainas, paseos en barca, lanzarse por unha tirolina (hai algún vídeo, e subiremos algún máis), xogar con distintos animais...

O xoves 25 de maio participamos na competición de atletismo infantil da comarca do Arenteiro, que se celebrou no polideportivo de Cea, onde pasamos unha bonita mañá de deporte e convivencia.

Pasámolo xenial, e conseguimos o 1º posto en alevíns e o 2º en benxamíns. Parabéns a todos os participantes, e en particular aos nosos alumnos polo seu bo comportamento, o seu esforzo e o gran resultado que obtiveron.

Aquí podedes ver as fotos e tamén un vídeo-resumo da actividade.