CEIP P. RAMÓN OTERO PEDRAYO

Fotos da visita do alumnado de 6º de primaria ao IES Julio Prieto Nespereira para coñecer as instalacións, profesorado e funcionamento do que vai ser o seu centro durante os vindeiros anos.

Máis fotos clicando na imaxe.

O noso novo Plan de Benestar emocional ten como obxectivo promover unha contorna emocionalmente saudable e respectuosa que fomente o desenvolvemento de habilidades sociais e emocionais nos nosos pequenos e pequenas, cultivando así unha base sólida para o seu benestar e convivencia.

Así, no marco deste Plan de Benestar programamos unha serie de obradoiros que se desenvolveron na derradeira semana do curso.

Ver fotos clicando na imaxe.

No 3º trimestre o alumnado de 5º e 6º de primaria traballou na decoración de neumáticos usados de cara a que os máis pequenos os poidan usar no recreos e tempos de lecer.

Este curso, o alumnado de Educación Infantil e 1° ciclo de E.P. tivo a sorte de participar no MUV, o museo virtual, unha iniciativa da fundación María José Jove, que pretende achegar a arte e a cultura ás escolas do rural dun xeito interactivo a través das novas tecnoloxías.

No álbum de fotos podedes ver todas as actividades que realizaron.

Dentro do noso proxecto de centro sobre as escritoras e escritores de contos, fai uns días puidemos facer unha viaxe ao pasado e ver como se facían antes os libros. E todo sen saír do cole, grazas ao obradoiro de imprenta creativa que levou a cabo Alouette Machine.

Alouette Machine é un proxecto mutante e errante. Unha imprenta impulsada por un motor de cinco cilindros. Un espazo de creación, papel, palabras, poesía, fugas e paixóns, rabia e dúbidas. Letras centenarias de madeira, chumbo, tinta, prensas, rabia humana e presión animal (ou viceversa).

Xornada de Educación vial coa Garda Civil de Tráfico para todo o alumnado do centro.

Desta volta tivemos unha charla previa, desfrutamos dunha das motos da patrulla de tráfico que nos acompañou, e finalmente baixamos ao pavillón para participar no circuíto de educación vial montado por Protección Civil, con patinetes, bicis, patíns e incluso karts.