Complementarias

O pasado venres 1 de marzo, o alumnado de 5º e 6º disfrutou dunha xornada de convivencia lúdico-competitiva en torno ao bádminton. Desenvolveuse no IES Chamoso Lamas de Carballiño, grazas á colaboración do profesorado de EF dese centro e ao seu equipo directivo, aos que agradecemos a organización e acollida para este evento.

Fotos da actividade PLANTANDO ÁRBORES CON PINCEIS, que ten un dobre sentido:

Por unha banda supón o peche do proxecto dos pintores do curso pasado, e pechámolo pintando no mural e en bolsas de tea); e por outra banda supón o comezo do novo proxecto deste curso que tratará sobre os escritores de contos, e o mural pintado recolle unha paisaxe de conto, e ten como protagonista a Naturizo, o noso ourizo máis querido e protagonista dunha serie de contos para os máis pequenos.

PLANTANDO ÁRBORES CON PINCEIS é un proxecto escolar pola sostenibilidade que une cultura e coidado do medioambiente a través da realización no centro de Murais Artísticos, Colaborativos e Ecolóxicos con pinturas fotocatalíticas anticontaminación, que absorben e depuran os contaminantes que hai no aire, coma os óxidos de nitróxeno e outros gases nocivos da industria e do tráfico rodado. Unha iniciativa innovadora que ten como obxectivo achegar ao alumnado unha mensaxe positiva sobre o coidado da contorna, propoñendo alternativas de ocio que fomentan o respecto polo medio natural a través da arte, cunha metodoloxía participativa e colaborativa.

Fotos da visita de Antón Pulido Nóvoa e Menchu Lamas ao noso museo. Agradecidísimos pola visita na que puidemos ensinarlle as creacións dos nenos e nenas e preguntarlle pola súa vida e obra.

.

O alumnado de primaria puido disfrutar o mes pasado dunha estupenda sesión de capoeira con Adel, celebrando así o Día da Educación Física. Aprendemos moitas cousas sobre esta arte marcial que mestura danza, acrobacias e música.

Interesante charla sobre o mel, a súa elaboración e as súas propiedades, en especial as do mel de Galicia. (Clica na foto para acceder ao álbum).

Álbum de fotos do Día da árbore celebrado no cole coa plantación de árbores e a colocación de casiñas-niño para os paxaros.