Enviado por admin o Lun, 30/03/2020 - 13:07
Segundo instrucións da Consellería de Educación, os centros educativos procederán á realización da avaliación do segundo trimestre, que abranguerá os contidos traballados ata a data da suspensión das clases.
As cualificacións dos alumnos e alumnas correspondentes ao segundo trimestre poderanse consultar a través da aplicación abalarMóbil desde o día 3 de abril a partir das 14:00 horas.
AbalarMóbil é unha aplicación gratuita da Consellería de Educación que permite ás familias consultar a información académica dos seus fillos/as a través do teléfono móbil.
As instrucións para descargar a aplicación están no portal da Consellería de Educación www.edu.xunta.es, no apartado DESTAQUES: Servizos dixitais educativos.