Nestas semanas comezamos ca primeira sesión na piscina da que dispoñemos no complexo multiusos do concello de As Somozas ao carón do noso centro escolar. Nesta sesión o alumnado disfrutou dun divertido tempo de lecer. A continuación podedes ver algunha imaxe.

O pasado venres invitáronnos a acudir ao centro cívico para disfrutar do espectáculo amenizado por Xarope Tulú, co concurso Rilla Rilla.

Aprendimos moitas palabras en galego que non coñecíamos. 

Aquí vos deixamos algunhas fotos.

O 4 de outubro celébrase o día dos animais e esta semana tivemos a visita dunha veterinaria, Inma. Ademais, trouxo dous canciños, Popeye e Tobi, os cales puidemos acariciar e darlles unhas chuches.

Explicounos o importante que é coidar, querer e respectar os animais. Eles son os nosos amigos!

Deixámosvos unhas fotos deste día.

Moitas gracias por vir Inma!

Comezou o curso e na aula de infantil recibimos a 7 compañeiros novos, a quen lles estamos ensinando as nosas rutinas e os nosos xogos e xoguetes. Que ben o pasamos nestes primeiros días.

Ademais tamén recibimos a visita de Cleopatra e Tutankamón, que chegan desde Exipto para ensinarnos aspectos sobre o seu país. Que ilusión nos fixo. 

Picade na súa imaxe para ver algunha fotografía destes primeiros días.

E nos vindeiros días, teredes máis noticias das nosas aventuras divertidas, pois agora estamos de cheo con xogos sobre o outono e tamén investigando sobre o espazo. Cantas cousas temos por diante para descubrir xuntos.

Ola familias, como sabedes, a comezos de mes, recibiredes os impresos de comedor por correo electrónico ou impresos (se así o preferides comunicadénolo, por favor). 

Aquí vos recordamos o procedemento para efectuar o aboamento e, unha vez que o teñades feito, por favor, enviade o xustificante de pago ao correo electrónico do colexio: ceip.omarban@edu.xunta.gal ou facédeo chegar polo neno ou nena.

Recordade que os impresos tamén os podedes descargar vós accedendo ao seguinte enlace https://www.edu.xunta.gal/espazoAbalar/ e picando en ACCESO AOS SERVIZOS (arriba á dereita). Aquí pediravos que vos identifiquedes coa Chave 365 ou co certificado electrónico. 

Unha vez teñades os impresos, o pago podedes facelo telematicamente desde o espazo abalar ou  a través da Oficina Virtual Tributaria picando no seguinte enlace https://ovt.atriga.gal/#!/categoria/?Cidad%c3%a1ns/11609730/4127328 accedendo a PAGO DE TAXAS E PREZOS e logo a INICIAR TAXA. 

Calquera dúbida aquí estamos. 

Comezamos curso con xogos novos pintados no patio. Velaquí algúns deles. Picade na imaxe.

Todo foi grazas ao Concello e á ANPA, a quen queremos agradecer por brindarnos a oportunidade de comezar un curso deste xeito.

Fixéronnos moita ilusión e os nosos recreos son máis divertidos con estes xogos.

MOITAS GRAZAS!

Ola familias, aquí vos deixamos os listados de material.

¡Ola! Xa estamos de volta e, coma sempre, con moitas ganas de vervos e de comezar as nosas rutinas xuntos. ¿Canto medrariades? Seguro que moito...

Ao longo destes primeiros días subiremos novas á páxina web, como o listado de material Así que estade moi atentos.

Bo día familias, aquí vos deixamos a Instrución 2/2023 sobre funcionamiento dos comedores escolares de xestión directa no curso escolar 2023-2024

Para cubrir o modelo de autodeclaración como nos cursos anteriores picade no enlace que está deseguido e atoparedes o arquivo en pdf:

- Modelo de autodeclaración  (xa sabedes que os que tedes máis dun neno escolarizado no colexio so se precisa cubrir 1 papeliño). RECORDADE ASINALO NA ÚLTIMA FOLLA.

Unha vez que o teñades cuberto podedes entregalo mediante correo electrónico ceip.omarban@edu.xunta.gal ou ben no colexio, antes do 1 de setembro.

Calquera dúbida podedes poñervos en contacto co número de teléfono do colexio ou ben ao correo ceip.omarban@edu.xunta.gal. 

Aproveito para desexarvos un BO VERÁN e que disfrutedes moito en familia.

Saúdos,

Sole.

O último día mostramos no pavillón polideportivo de As Somozas o traballo feito polo alumnado ao longo do curso relacionado coa modalidade Móvete+ pertencente ao proxecto de Vida Activa e Deportiva do centro. Esta modalidade consiste en fomentar a actividade física a través de actividades con música e movemento. Velaquí tedes as coreografías feitas polo noso alumando. Para velas, pinchade nas imaxes: