Skip to Content

Biodiversidade

Hotel de insectos

 

HOTEL DE INSECTOS

Curso 23-24

 

En infantil estiveron entretidos coas actividades do seu proxecto das abellas e a biodiversidade dos insectos.

Unha familia, @marmolerianorfert, donou este hotel tan chuli e os cativxs empregaron elementos naturais e reciclados coma piñas, paus, tellas... para rechealo.

Está quedando moi chulo e con materiais variados!!

 

 

 

PREMIO PROVINCIA DE PONTEVEDRA VOZ NATURA

PREMIO PROVINCIA DE PONTEVEDRA DE VOZ NATURA

Curso 23-24

o vernres 14 de xuño recollemos o premio ao proxecto Voz Natura da provincia de Pontevedra no Estadio Multiusos Fontes do Sar en Santiago de Compostela.

Ao acto asitimos varios profes e os alumnos de 4º de primaria que despois da entrega disfrutaron dunha xornada de xogos, talleres e inchables. Pasárono xenial, unha experiencia única que seguro que non esquecerán.

BIODIVERSIDADE DAS AVES

BIODIVERSIDADE DAS AVES

Club de ciencias

 

No club de ciencias seguimos coa elaboración dos murais coa información máis relevante da diversidade de aves da contorna.

Dende o patio podemos ver cada día varios niños. Na primavera comezan a preparar todo para recibir ás súas crias.

Agora moito máis motivados ao ter a madeira para a elaboración das caixas nido.

 
 

 

 

 

 

MADEIRA PARA CAIXAS NIDO

MADEIRA PARA AS CAIXAS NIDO

Curso 23-24

Club de ciencias

Imagen de Casa Pajaros Exterior de Madera, para Colgar en el Jardin, Jaula Nidos de Pajaros Agaporni, Pajareras para Canarios, incubadora

No club de ciencias seguimos avanzando co noso proxecto sobre a biodiversidade das aves da contorna.

Grazas a aportación de  Marmolería Norfert S.L en Guillarei, unha familia do cole, xa temos a madeira para elaborar as nosas caixas nido.

Nas próximas semanas comezaremos co taller de elaboración das 42 caixas nido.

 

Moitísimas grazas pola vosa aportación e por colaborar sempre.

 

 

ACTIVIDADE: QUEN VIVE AÍ?

 

ACTIVIDADE:

QUEN VIVE AÍ?

 

Ponte a Zero: Guía de Recursos Educativos sobre Residuos, Compostaje y Huerta Escolar | CEIDA

 

 

O 2 de abril tivemos outra actividade do programa "Ponte a Zero" desenvolvido polo CEIDA.

Os rapacxs puideron ver e identificar  os diferentes insectos que viven no composteiro e na horta, tamén aprenderon a función que ten cada un deles na elaboración do compost.

Observáronos moi de cerca coas lupas e os microscopios, unha actividade que os tivo atentos e interesados dende o principio ata o fin.

 

 

ECOSISTEMAS NAS AULAS

PROXECTO ECOSISTEMAS NAS AULAS

 

Os alumnxs de 5º de primaria visitaron a ecohorta para buscar e aprender sobre a biodiversidade de bichos que viven nela. Atoparon bastantes tipos de insectos, vermes, caracois, lombrigas...

Decidiron investigar sobre tres deles.

CARACOIS

LOMBRIGAS

ESCARABELLOS

Para poder observalos máis a fondo crearon ecosistemas nas aulas e para elo precisaron: unha botella, terra mollada, plantas e animais.

Cada día foron observando os seus movementos, alimentación... e foron anotando os cambios que ían levando a cabo segundo a reacción dos animais, coma botar auga por se a terra está moi seca, ou facer máis buratos nas botellas por se non tivese o suficiente osíxeno.

Despois de dúas semanas de observación, puxéronos en liberdade, deixáronos todos de novo na horta.

 

 

 

 

 

 

 

 

 

 

 

 

A MILLA. BIODIVERSIDADE ARBÓREA

A MILLA

Biodiversidade arbórea da contorna.

 

O noso alumnado está a realizar millas a diario no patio do cole. O obxectivo é percorrer moitas millas e lograr a colección de medallas dos ODS que están elaboradas coa madeira de diferentes tipos árbores típicas da zona. Deste xeito coñecen a biodiversidade arbórea da contorna e as súas propiedades, os distintos ODS, ao tempo que fan deporte. 

Cada mes reciben unha carta da mascota da biblioteca, "Bit", que os invita a percorrer as millas para ir conseguindo as medallas de todos os ODS. Ademáis, cada mes propón que se investigue sobre un tipo de árbore diferente, xa que as medallas van feitas desas madeiras. 

Neste mes de febreiro conseguiron as medallas dos ODS 8 E 9, que están elaboradas con madeira de piñeiro.

Estas son as árbores que levamos coñecito ata o mes de marzo:

  • En novembro foi o eucalipto. Medallas para presentar os ODS 1 e 2  feitas de madeira de  eucalipto. 
  • En decembro foi o castaño. Medallas para presentar os ODS 3,4 e 5 feitas de madeira de   castaño.
  • En xaneiro foi o loureiro. Medallas para presentar os ODS 6 e 7 feitas de madeira de   loureiro.
  • En febreiro foi a sobreira. Medallas para presentar os ODS 8 e 9 feitas de madeira de   sobreira.
  • En marzo foi o piñeiro. Medallas para presentar os ODS 10 e 11 feitas de madeira de   piñeiro.

 

 

Ademáis da carta con información sobre a árbore, cada clase recibe as follas de rexistro mensual, nelas recollen as  millas que fan cada día. 

No panel do corredor central, vanse  rexistrando as millas de cada clase e as medallas que cada clase consigue.

 

CHARLA BOSQUE ATLÁNTICO

 

CHARLA SOBRE O BOSQUE ATLÁNTICO

Curso 23-24

O pasado  mércores 6 de marzo, tivo lugar unha charla formativa sobre o Bosque Atlántico e a súa biodiversidade para o alumnado de 6ºEP. Dando resposta aos ODS 4: Educación de calidade, ao ODS 13: Acción polo clima e o ODS 15: Vida de ecosistemas terrestres. 

Coñecemos un pouco máis as súas características, a flora propia deste bioma e recoñecimos algunhas das variedades na nosa contorna.

Moi interesante! Desexando por en práctica o aprendido. Gazas ao concello de Tui por facelo posible.

 

CLUB DE CIENCIAS

 

CLUB DE CIENCIAS

Curso 23-24

 

 
Este trimestre no club de ciencias investigamos e aprendemos sobre a biodiversidade das aves da nosa contorna. 
O coñecemento e o  coidado da biodiversidade é un dos objectivos principais do proxecto de Voz Natura deste ano. Fomentamos así o ODS 15 Vida de ecosistemas terrestres, que tamén é un dos obxectivos  do noso proxecto de centro Diver_xente.
No patio podemos ver  moitos días pombas  e gaviotas que veñen comer as migas que nos caen das merendas.
Na nosa zona tamén hai rulas, anduriñas, merlos, estorninos, carrozas, gorrións, pegas, verderolos, paporrubios....
Estámonos aprendendo moito sobre as aves, pero sobre todo, que podemos facer nós para protexelas. Pronto compartiremos as nosas investigacións.

 

 

 

 

 

CLUB DE CIENCIAS

CLUB DE CIENCIAS

Biodiversidade

Curso 23-24

 

Neste trimestre no club de ciencias estamos a estudar a biodiversidade de aves que temos na contorna.

Buscamos información na rede ademáis de preguntar as bibliotecas vivas como son os nosos maiores. 

Interésanos moito saber qué tipos de aves nos visitan dependendo da época do ano, asi como o momento no que crían, entre outras moitas cousas.

Faremos unha cartelería informativa para o cole con toda a información que atopemos.

Traballamos neste caso o ODS 15, Vida de ecosistemas terrestres, fomentando o coidado da flora e fauna.

 

 

 

 

 

 

 

BIODIVERSIDADE NO PATIO

 

BIODIVERSIDADE NO PATIO

 Cada día despois do recreo visítannos na escola as gaivotas e as pombas do entorno, elas son as encargadas de recoller e impar as miguiñas das nosas merendas. Un traballo en equipo que axuda a reciclar e manter o noso patio limpo, á vez que lles serve de alimento saudable.

 

 

HOTEL DE INSECTOS

 

HOTEL DE INSECTOS

O ano pasado participamos nun concurso de redacción promocionado por “Miel de Galicia”,  enviamos  unhas redaccións sobre unha abella chamada Melucha.

Conseguimos un hotel de insectos e uns botes de mel,que degustaremos na festa de fin de curso nuns anaquiños de pan tostado.

 

Este ano mercamos algún máis e  colocámolos na moreira do colexio e nalgunha outra árbore, para ver a que insectos lles apetece ser os primeiros en reservar unha habitación.

 

 

Distribuir contido


by Dr. Radut