Deporte na natureza

Ruta do Río Lagartón

Martes 30 de maio 2023.

 O pasado, martes día 30 de xuño de 2023  tivo lugar a ruta do Río Lagartón, para todo o alumnado de 2º. Tivo lugar en horario de 9:15 a 14:15h. Consistiu nun paseo,  dende o colexio polo Camiño de Santiago, Veiga do Louro, Río Lagartón e volta ao centro educativo, tendo lugar diversas probas e xogos durante a actividade.

Unha fantástica xornada onde todo o alumnado gozou das propostas, da natureza, das árbores, prantas e alimentación saudable, facendo unha boa xestión dos residuos. 

Moitas grazas a Raquel, Noelia, Nick, Paula e Elena, grazas a eles todo foi máis doado.

CAMPIONATO PROVINCIAL  DE CAMPO A TRAVÉS.

Parque de Castrelos ( Vigo)

12/02/23

 O pasado, domingo 12 de febreiro de 2023, levouse a cabo o Campionato Provincial de Campo a Través da presente campaña escolar de Campo a Través, no circuíto do Parque de Castrelos en Vigo. Un espazo natural dentro de Vigo, cunha riqueza vexetal e paisaxística incrible.

O CEIP Nº2 participou na proba co equipo Alevín Feminino ( alumnas de 4º e 5º), co equipo Alevín Masculino ( alumnos de 4º e 5º), co equipo Benxamín Feminino ( alumnas de 2º e 3º) e co equipo Benxamín Masculino ( alumnos de 2º e 3º). 

Moitísimas grazas a todas as familias que hoxe estiveron en Castrelos, pola súa axuda e polo seu apoio a estes grandes atletas. Noraboa a todos os participantes, especialmente aos do CEIP Nº2 de Tui e Agrudebam que representaron ao Baixo Miño, nunha proba onde estaban os mellores corredores de toda a provincia de Pontevedra.

Campo a Través Zonal 22-23.

Área Recreativa Ribeira de Caldelas ( Tui)

12 novembro 2022

O pasado sábado día 12 de novembro de 2022, en horario de mañá, tivo lugar a proba de Campo a Través da presente Campaña Deportiva, organizado pola Agrupación Deportiva Baixo Miño en coordinación coa Secretaría Xeral para o Deporte,  nas Instalacións do área Recreativa da Ribeira de Caldelas (Tui). O noso alumnado participante gozou dunha gran xornada, acadando grandes resultados, que lles dan o pase para participar no Campionato Provincial de Campo a Través. Noraboa!.

Na categoría Benxamín Feminina o equipo clasificouse no 2º posto. Sendo María de 2ºA a 3ª clasificada individual da categoría.

Na categoría Benxamín Masculina o equipo clasificouse no 1º posto. Sendo Raúl de 3ºA a 2º clasificado individual da categoría.

Na categoría Alevín Feminina o equipo clasificouse no 2º posto. Sendo Elena de 4ºC a 3ª clasificada individual da categoría.

Na categoría Alevín Masculina o equipo clasificouse no 2º posto. 

Noraboa a tod@s! atoparedes máis información cos resultados, fotos e videos da proba en agrudebam, premede sobre o logo de agrudebam.

Xornada de Xogos

Populares

para alumnado de

Infantil.

O pasado venres día 4 de novembro de 2022,

levouse a cabo a xornada de xogos populares

para o alumnado de Infantil no colexio. O

alumnado de 6º foi o encargado de ensinar

aos demáis cativos moitos, moitos xogos

antigos, para nenos e nenas de agora. O certo

é que o fixeron xenial como profes. Noraboa!.

Din os nenos e nenas de Ed. Infantil que o pasaron xenial con vós.

Tui en Ruta 22.

O C.E.I.P. Nº2 de Tui en coordinación co equipo de Deporte no 2 e o Concello de Tui,  organizou 2 xornadas de “Actividades na Natureza”, nas inmediacións do Centro educativo e do Río Miño.

Dita actividade esta destinada os/as 42 alumnos/as de 5º de Educación Primaria do noso centro educativo.

A actividade tivo lugar o luns 20 e martes 21 de xuño de 2022.

As xornadas pretenden ter un carácter lúdico-cultural-deportivo a vez que achegan ao noso alumnado, ao seu entorno natural máis próximo como é o Río Miño. Para iso propuxemos dúas xornadas:

1ª Xornada: O día 20 de xuño, levaríamos a cabo unha Marcha Ciclista, polo sendeiro Tui-Caldelas, co disfrute do Balneario de Caldelas, toma de contacto co Kayak-polo, Slalom e Ciclismo.

2ª Xornada: O día 21 de Xuño  levaríamos a cabo unha xornada de Ginkana ciclista no patio do centro educativo.

Grazas ao  Concello de Tui, á policía Local de Tui, a Consellería de Medio Ambiente, ao Balneario de Caldelas, ao Club Penedo de Caldelas, ao Club de piragüismo Kayak Tudense  e as distintas entidades  que fixeron posible que dita actividade se levara a cabo. Moitas grazas a toda a Comunidade Educativa.