Telmo Portela Medalla de Bronce

no Campionato galego de dobres de Bádminton en Ourense.

O alumno Telmo Portela ven de acadar a Medalla de Bronce no Campionato galego de Bádminton na modalidade de dobres no campionato que tivo lugar en Ourense a pasada fin de semana. Noraboa a Telmo e ao Club Badminton Tui, pola gran labor que está a facer neste deporte.

O concello de Tui organiza unhas visitas guidadas pola cidade, e a varios monumentos. Estas visitas saen da praza do concello e non precisan de inscripción.

O equipo Benxamín do Club Balonmán Tui, da comezo a temporada.

O pasado Sábado 22 de Outubro deu comezo a liga Benxamín federada de Balonmán.

O equipo tudense xogou no Rosal co seguinte resultado.

 Novás- Tui. 11-2/6-2/2-4/8-1

 O equipo formado polas alumnas do noso colexio Lia Salvado, Uxía Soliño e Yosra Baatti, está moi ilusionado e con gañas de seguir xogando os vindeiros partidos...

 Seguro que pouco a pouco os resultados iran chegando....poñedelle moitas gañas e ilusión..

Gustavo Rodriguez Campeon de España de Triatlón longa distancia 2016

O pasado Domingo 23 de Outubro, tivo lugar o Campionato de España de triatlón, na modalidade de larga distacia C: 4000 m de natación, 120km de ciclismo y 30km de carrera a pe, a victoria foi para o tudense Gustavo Rodríguez, que o ano pasado tivo que conformarse coa 2 posición.

Iván Pereira Medalla de Bronce en categoría grupo de idade.

Na mesma proba o tudense, Iván Pereira Iglesias , clasificariase 3º na súa categoría grupo de idade GE 30-34. Unha proba moi dura con indice altisimo de participación

A nosa noraboa a estes 2 grandes atletas tudenses, polo seu bo facer, polo seu esforzo e polo seu empeño.

Silvia Pequeño Campiona de España de Sky Nautico

9 Outubro de 2016

Club Nautico San Telmo.

A esquiadora de clube Náutico San Telmo de Tui, Silvia Pequeño proclamouse Campiona de España na categoría sub 21 o pasado Sábado 9 de Outubro.
Noraboa a Silvia que disfrute do seu triunfo

Andaina do Viveiro Forestal

23/10/2016

O próximo día 23 de outubro ás 10 da mañá, o clube Andatui, organiza unha nova andaina que será dende o Centro Interfederado por debaixo do Prador de Tui dirección Areas para pasar polo Viveiro Forestal, dando unha volta de 10,5 quilometros para retornar ao punto de partida.

Descubre carreiros novos, porque seguro qye pasaremos por algún sitio que non terías idea de que existira.

O prezo é de 5 euros para maiores e 3 euros para menore de 12 anos.

Ingreso ou transferencia ó Banco Pastor "Grupo Banco Popular" na conta:

IBAN ES51  0238  8307  70  0600236806

Data límite de inscrición: 21/10/2016

Podedes atopar máis información na web: http://www.andatui.es/23102016-andaina-do-viveiro-forestal/

Esta será a última andaina a celebrar polo concello de Tui, rematando o Calendario de Andainas Saudables da Eurocidade co “Trilho das Dúas Bandas”, que se celebrará o 13 de novembro, polo Municipio de Valença.

O Equipo Cadete Feminino do Club Remo Tui

Subcampión de España no Campionato de España de Yolas 4+

en Gandia Valencia o pasado 16 de Outubro de 2016.

O Club Remo Tui ven de participar a pasada fin de semana do 16 de Outubro de 2016, no Campionato de España de Yolas 4+, que tivo lugar en Gandia Valencia.

A Tripulación formada por:Lucía González, Katia Cardoso, Lara Álvarez, Iria Álvarez e Pablo Freiría ao timón, conseguiu facerse coa medalla de prata nunha regata moi dura e disputada.

A nosa sinceira noraboa a todo o clube, ao corpo técnico e por suposto ao equipo campión.

Unha felicitación especial para Lara, Iria e Pablo, antigos/as alumnos/as do noso centro, que son un referente para os nenos/as do Deporte no 2...grazas por ensinarnos tanto.

III Open de Andainas 25 kilómetros Tui

Organizado polo Clube Xistrade Vigo, en colaboración coa Federación Galega de Montañismo, o Concello de Tui e a Entidade Menor de Pazos de Reis.

Este domingo 16 de outubro, dende o pavillón deportivo da Macoca, sairá esta quinta e última proba que resolverá los campións da Copa de Andainas Populares de Regularidade, tralas realizadas en Vigo, Pontedeva, Montes de Vigo  Gondomar, segundo informaron onte fontes municipais.

A recollida das acreditacións comezará ás 8.15 horas, sendo a reunión técnica ás 8.45 horas e a saida a las 9.00 horas.

Trazado

O trazado partirá dende o Pavillón da Macoca, subindo ata o Castro do Alto dos Cubos. Baixará cara os muiños de Tripes e logo ascenderá ata a senda botánica e o Centro de Interpretación do Parque. Pasará pola Pedra do acordo.A última ascensión será ata a Capela de San Xulián no Monte Aloia, para descender polo Rego de Pedra e retornar ao Pavillón da Macoca.

As inscripcións ainda están abertas a través da páxina web www.xistra.org/copaandainas25.

III ANDAINA POLO RÍO FURNIA

O pasado sábado 8 de outubro tivo lugar na parroqui de Malvas a III Andaina polo río Furnia, organizada por Arume de Malvas.

Ademáis de facer o paseo pola veira do río, os asistentes topáronse con dramatizacións de oficios tradicionais, al lavandeiras, xente degullando o millo, leiteiras...que fixeron rir e desfrutar aos visitantes.

Ao rematar os asistentes disfrutaron dunha merenda a base de bocadillos, castañas asadas, sopas de "burro cansado", para os máis pequenos houbo xogas tradicionais e non podía faltar a música tradicional do grupo Arume de Malvas.

Convidámosvos a participar o próximo ano, e para que vexades o ben que o pasamos, aqui tedes unha pequena mostra.

Curso de adestrador básico de fútbol UEFA B

Este mércores, 5 de outubro, ás 19h na Aula CeMIT na Área Panorámica comezará o curso de adestrador básico de fútbol UEFA B, organizado pola escola de adestradores da Federación Galega de Fútbol, en colaboración co Concello de Tui.  No mesmo está xa inscritos unha véntena de persoas, estando aberta a matrícula aínda ata a próxima semana polo que os interesados poden achegarse este mércores ata a Aula CeMIT.

A presentación do curso tivo lugar esta mañá na casa do concello de Tui a cargo do alcalde de Tui, Enrique Cabaleiro, o concelleiro de deportes, Laureano Alonso, o director da escola de adestradores da Federación Galega de Fútbol, Manuel Mosquera, así como José Luis Mosquera, responsable da escola na zona do Baixo Miño.

Enrique Cabaleiro, alcalde de Tui, amosou a súa satisfacción polo inicio deste curso na cidade ofrecendo o apoio do concello para ser sede permanente das actividades formativas da Federación Galega de Fútbol.  Salientou o rexedor que Tui é un referente en instalacións e práctica deportiva e agora tamén en formación no ámbito dos deportes.  Pola súa parte o concelleiro de Deportes, Laureano Alonso, destacou a realización deste curso de monitor de fútbol UEFA B en Tui tras os cursos de monitor de fútbol base impartidos con anterioridade, agardando que no futuro se sigan a celebrar estas actividades formativas.

O director da escola de adestradores da Federación Galega de Fútbol, Manuel Mosquera, agradeceu ao Concello de Tui a colaboración para a celebración destas actividades amosando o interese da súa federación en que Tui poida ser sede permanente dos mesmos. Mentres como José Luis Mosquera, responsable da escola na zona do Baixo Miño destacou o axeitado das instalacións onde ten lugar o curso así coma a cualificación do profesorado que impartirá as clases.

O curso de adestrador básico de fútbol UEFA B celebrarase os luns e mércores de 19.30h a 22.30h na Aula CeMIT na Área Panorámica contando cun total de 300 horas teórico-prácticas. O prezo do curso é de 900€, tendo un desconto de 150€ os que con anterioridade realizou o curso de monitor de fútbol base. Tras rematar o curso os alumnos que superen esta formación poderán adestrar en calquera país da Unión Europea. 

I xornadas técnicas de fútbol sala

Esta fin de semana, 7-8 de Outubro o Baixo Miño Randufe Futsal, en colaboración co Concello de Tui, a Comunidade de Montes de Randufe e o CEIP Randufe, organiza as primeiras xornadas técnicas de fútbol sala, no pavillón deportivo do CEIP de Randufe.

Estas xornadas, que teñen carácter gratuíto, están dirixidas a xogadores/as de categoría cadete e infantil de fútbol sala. Nas mesmas contarase con adestradores de alto nivel e traballarase distintos aspectos desta modalidade deportiva: técnicos, tácticos, psicolóxicos, etc.

O programa está dividido en dúas xornadas:

• Venres 7

  • Ás 18.45 horas – Charla do colectivo arbitral da delegación de Vigo – Modificacións na normativa

  • Ás 19.00 horas – Técnica individual e xogo real – Pedro Holstein (adestrador nacional portugués)

• Sábado 8

  • Ás 10.00 horas – Futsal en inglés: aprender xogando – Diego Rubianes (Academia Concorde de Vigo)

  • Ás 11.30 horas – Exercicios para a conservación do balón – Santiago Rodríguez (adestrador nivel III)

  • Ás 12.15 horas – Adestramento de dualidades – Alfonso Fernández (adestrador titulado)

     

Os interesados poden acadar máis información e inscribirse a través do Baixo Miño Randufe Futsal, no número de teléfono 777.393.182 ou do enderezo electrónico randufefs@gmail.com.

Club Patinaxe Artistico Ribex Tui.

ADULTOS EN ACCIÓN

Señoras y señores temos algo increíble que contarlles , dende o pasado Martes día 4 de Octubre, os máis pequenos do Clube, os nenos de 60 anos volven á pista , así que todos os adultos que se animen a formar parte do equipo, non dubiden en apuntarse xa, no Club... animo a todos eses nenos maiores.

Informamoslles tamén que o prazo das escolas deportivas impartidas os Venres, permanece aberto!! e poden apuntarsse canto antes mandando un e-mail ao clubribex@gmail.com ou nos siguintes números de teléfono 667246016 o en 622653977

Partidos de Baloncesto

Fin de semana do 8 de Outubro de 2016

Esta fin de semana podemos disfrutar do mellor baloncesto en Tui, aquí vos deixamos os partidos que podedes disfrutar no pavillón vello de Tui...animádevos a ir ver e animar aos xogadores do C.B. Tui.

O vindeiro sábado día 8 de outubro, vaise levar a cabo a III Andaina polos miuños do río Furnia, na parroquia de Malvas.

Despois da andaina haberá unha merenda para tódol@s participantes, amenizada polo grupo de gaitas "Arume de Malvas" e para entrar en calor sopas de "burro cansado".

O prezo é de 3 euros, máis un euro que se donará a SOS Tomiño. O plazo de inscrición remata o xoves día 6 de outubro. Para apuntarse podedes chamar ao teléfono 655 602 787 ou mandar un correo electrónico a: arumedemalvas@gmail.com

Animádevos a pasar unha tarde agradable na natureza, facendo deporte, convivindo e pasándoo ben. Agardámosvos!!!!!

Cuartos de Final

Fase de Ascenso Xunior

Club Baloncesto Tui.

Mañá Sábado día 1 de Outubro, terán lugar os cuartos de final da fase de ascenso Xunior, do equipo CB Tui Seta-Thermalia do Clube Baloncesto Tui. Este partido enfrontará ao equipo tudense co equipo Porriño BB, ás 18:00h no Pavillón Vello de Tui. Este equipo necesita o noso apoio e os nosos ánimos, así que se podedes que non falte ninguén a animar.

Ao longo do día terán lugar máis partidos de cuartos de final, que vos detallamos de seguido, por se vos animades a disfrutar de gran baloncesto en Tui.