CEIP Plurilingüe de Foz número 1

Publicada a instrución 2/2024 pola que se regula o funcionamento dos comedores escolares, ábrese o prazo para realizar a solicitude de comedor para o curso escolar 24/25.

Todo aquel alumnado que desexe continuar co uso do comedor escolar, así como aqueles que queiran solicitar praza, deberán presentar no centro o modelo de autodeclaración antes do xoves 27 de xuño.

MODELO AUTODECLARACIÓN COMEDOR

PAROLADAS 23-24 de ceipdefoznumero1 plurilingüe

PAROLADAS_PDF

Aberto o prazo para solicitar a participación no fondo solidario de libros de texto e axudas para adquirir libros de texto e material escolar para o curso 2023/2024.

O prazo rematará o 21 de xuño de 2024.

Destinatarios:

- Fondo solidario de libros de texto: alumnado matriculado en 3º e 4º de Educación Primaria.

- Axudas para adquirir libros de texto: alumnado matriculado en 1º e 2º de Educación Primaria.

- Axudas para adquirir material escolar: alumnado matriculado en Educación Primaria.

Forma de presentación:

- A solicitude será única para todos os fillos que estean admitidos no mesmo centro docente para o curso 2024/25.

- Presentación no centro do modelo ED330B  e anexo II.

- Poderán realizar a solicitude na sede electrónica da xunta de Galicia, accedendo ao procedemento ED330B. Unha vez cubertos todos os datos, poderán gardala e obter o número de solicitude. Posteriormente, disporán das seguintes formas de presentación:

• No centro: Neste caso imprimirán a solicitude e o anexo II e presentaranos no centro (debidamente asinados), xunto coa documentación.
• Na sede Electrónica da Xunta de Galicia empregando a Chave365.

Beneficiarios:

Poden consultar os requisitos segundo a renda per cápita familiar para a concesión das axudas  no seguinte enlace:

- ORDE do 7 de maio de 2024.

A proposta "Del Consejo General de la Educación Física y el Deporte", o 17 de abril conmemoramos o "Día da Educación Física na Rúa".

O alumnado de 3º, 4º, 5º e 6º de Educación Primaria saíu dentro da xornada escolar, onde realizou a sesión de Educación Física nos parques da localidade, baixo o lema "Educación Física e Saúde Mental".

Este día nace co fin de expoñer á sociedade os beneficios das actividades físicas variadas, dándolles visibilidade en espazos públicos.

Pasamos unha xornada moi divertida!

GALERIA DE IMAXES

O prazo de presentación de solicitude de admisión comprende entre o día 1 e o 20 de marzo (ambos incluídos).

A solicitude (ED550B galego - ED550B castelán) pode presentarse no centro educativo ou por vía electrónica, a través da aplicación informática admisiónalumnado, para o que se precisa un certificado de indentidade e sinatura dixital ou o sistema de clave como a Chave365.

En ambos casos será necesario presentar a documentación que, de ser o caso, fose precisa (Libro de familia, DNIs dos membros da familia, padrón municipal, sentenza de separación, documentación acreditativa do alumnado con necesidades específicas...).

O 25 de abril publicarase a través da aplicación informática (admisión alumnado) e no taboleiro interior do centro, a listaxe provisional de alumnado admitido e non admitido por curso, abrindo un prazo de 5 días hábiles para formular reclamacións.

A publicación das listaxes definitivas será o 15 de maio.

O prazo para formalizar a matrícula será do 20 ao 30 de xuño.