O 17 de maio festexamos o Día das Letras Galegas, polo que durante todo este mes desenvolveremos unha actividade titulada “Maio das letras”. A proposta consiste en darlle visibilidade a lingua galega, sobre todo a aquelas palabras que non empregamos habitualmente.

Por tal motivo, dende o equipo da biblioteca (con Biblo á cabeza) e o Equipo de Dinamización da Lingua galega solicitamos que, xunto co vosa familia, procuredes palabras distintas e sorprendentes na nosa lingua. Se atopades varias opcións para cada letra moito mellor.

Procura palabras diferentes, sobre todo que non teñan semellanza no galego e castelá. Por exemplo, evita palabras como pandeireta, xa que a diferenza co castelá está nunha letra: pandereta. Unha mellor opción sería buscar termos como xoaniña, en castelá mariquita, termos que non se asemellan en ambas linguas.

Deixamos un exemplo de A Mesa pola normalización lingüística. 

Fonte:A Mesa pola normalización Lingüística

Podedes recurrir tamén aos seguintes enlaces onde descubriredes novos termos e podedes comprobar a existencia dos que vos escolléstedes. 

Esta semana festexamos o días das Letras, das nosas, das galegas. Esta celebración constituíuse en 1963 pola Real Academia Galega para homenaxear aquelas persoas que destacasen pola creación literaria en galego ou pola defensa de dita lingua. 

A crise do coronavirus obrigou a aprazar a celebración do Día das Letras Galegas ata o mes de outubro. Ricardo Carvalho Calero terá a súa homenaxe nunha medida inédita e sen precedentes o 31 de outubro. 

Dende o centro non nos queremos esquecer desta figura e na páxina web fixemos unha escolma cos recursos que coñecemos arredor da súa figura, para que coñezades máis de cerca a este filólogo, escritor e profesor. 

Empezaremos cuns personaxes ben coñecidos por todos nós, os Bolechas. Da man da editorial Bolanda, en colaboración coa Secretaría Xeral de Política Lingüística puxeron a disposición un novo volume de "As miñas primeiras Letras Galegas" dedicado a Ricardo Carvalho Calero.

E chegou o 23 de Abril Día do libro. 
Este ano o festexo será diferente.

Neste día tan especial para a comunidade educativa e no que temos tan presente a lectura quixemos ler para todos e todas vós. 

Este ano queremos dedicarllo a un libro que cumpre neste mes de abril 77 anos dende a súa aparición. É unha das obras máis destacadas do século pasado, un clásico para nenas e adultos: ‘O Principiño’. Por iso a pesares deste confinamento e aproveitando as tecnoloxías queremos ler os fragmentos máis significativos do libro. 

Para iso buscamos grandes lectores e lectoras. Atopámolos entre as familias rexistradas como usuarias da nosa biblioteca e entre os mestres do cole.

O Principiño (I parte)

O Principiño (II parte)