O CEIP Nosa Señora das Dores de Forcarei conta, desde a súa posta en funcionamento, con servizo de comedor escolar para todos os nenos e nenas matriculados no centro que desexen utilizalo. Da administración encárgase o CEIP Nosa Señora das Dores, sendo responsabilidade da Consellería de Educación orzamentar tal servizo. Este servizo é usado tamén polos alumnos e alumnas do IES Chano Piñeiro de Forcarei, nunha primeira quenda.

O servizo de cociña está cuberto por unha oficial 2ª de cociña e dúas auxiliares. Os nenos e nenas, usuarios do comedor, son coidados polos colaboradores de comedor que se encargan de manter a orde no comedor, fomentar bos hábitos alimentarios e boa actitude na hora do xantar, ...

Un curso máis procuraremos que os nenos e nenas teñan uns menús equilibrados nos seus xantares. E tamén trataremos que acaden normas de conduta e un saber estar no comedor escolar.