Skip to Content

                              

Novas

NOTA INFORMATIVA

Xov, 26/09/2019 - 11:17 — admin

Comunicamos ás familias que o vindeiro martes 1 de outubro comeza o horario de xornada partida, con clases pola tarde. A hora de entrada ó centro, de luns a xoves, será ás 09:30 h e  a de saída ás 16 h.

Os venres non hai clase pola tarde. Neste caso, a hora de entrada é ás 9:30 h coma o resto da semana, pero a hora de saída é ás 13:15 h, despois do comedor. Os que non quedan a comer saen ás 12:20 h.

Un saúdo

 

Día internacional da nutrición

Ven, 30/05/2014 - 12:49 — Xuvencos

O 28 de maio, Día nacional da nutrición, realizamos na biblioteca do centro un relatorio sobre os bos hábitos de alimentación que foi impartido por Lydia Gisselle Almonte, especialista en nutrición e dietética, e Presidenta da ANPA.

Despois do relatorio construímos no patio do cole unha roda dos alimentos con cartolinas de cores e para finalizar a cociñeira, Carmen, preparounos unha deliciosa merenda a base de bocata, froita e iogur.

Todo o alumnado recibiu un tríptico informativo sobre nutrición e unha tatuaxe.

Na seguinte galería de imaxes podedes ver o ben que o pasamos:

 

Solicitude de praza para o curso 2014/2015

Lun, 03/02/2014 - 06:08 — Xuvencos

Desde o 1 de febreiro e ata o 15 do mesmo mes está aberto o prazo de Reserva de praza para o alumnado de 6º curso que desexe continuar os seus estudos no IES Chamoso Lamas. Dito alumnado deberá presentar no noso centro o ANEXO I debidamente cumprimentado. Se non desexa reservar praza en dito instituto deberá facelo constar por escrito antes do 28 de febreiro e solicitar praza noutro centro entre o 1 e o 20 de marzo, entregando o ANEXO II debidamente cumprimentado no centro que desexe continuar os seus estudos.

O resto do alumnado, que este ano estivo matriculado no noso centro, ten Reservada praza de oficio no centro. Se decide solicitar praza noutro centro ten que achegarnos unha copia da solicitude entregada nese novo centro.

Desde o día 1 de marzo e ata o 20  do mesmo mes está aberto o prazo de solicitude de praza no noso centro para novo alumnado ou procedente doutros centros educativos. Por mor da previsión de matrícula para o próximo curso, non deixedes a solicitude de praza para última hora.

O procedemento está regulado polo Decreto 254/2012 e unha Orde que o desenvolve.

Listaxe de admitidos para o curso 2014/2015

O alumnado admitido deberá formalizar a matrícula entre o 20 e 30 de xuño.

 DOCUMENTOS

 DESCARGA
 Reserva de praza no centro ou IES. Do 1 ao 15 de xaneiro. ANEXO I.

 Solicitude de praza no centro do 1 de marzo ao 20 de marzo. ANEXO II.

 Formalización de matrícula. Do 20 ao 30 de xuño. Requisitos necesarios.

 Documentación que acompañará á matrícula.

 Solicitude de lingua materna en Ed. infantil
 Solicitude de matrícula na área de relixión.

 Autorización para usar as imaxes do alumnado con fins educativos.

Tríptico Informativo
Renuncia á reserva de praza no IES Chamoso Lamas

ANPA do CEIP Nosa Sra de Xuvencos

Xov, 12/12/2013 - 22:24 — Xuvencos

ANPA de BoborásEste curso púxose en funcionamento a nova ANPA do colexio. A ela podedes pertencer calquera das familias que tendes fillos/as matriculados/as no colexio.

Nesta sección da web iremos colgando aquelas novas que sexan de interese para as familias do alumnado do centro.

Estableceuse unha cuota de 25 euros anuais por unidade familiar poder realizar actividades.

Os/as que desexedes pertencer á mesma podedes abonar a cuota anual na conta do ANPA da sucursal de  Novagalicia banco de Boborás. Se non tedes conta na sucursal vanvos cobrar 3 euros de comisión, se é este o caso, é mellor que lle abonedes a cuota a calquera dos membros da directiva para aforrar ese 3 euros.

Para calquera dúbida ou información porse en contacto coa directiva da ANPA.

Distribuir contido


by Dr. Radut