Recomendacións Audición e Linguaxe
AUDICIÓN E LINGUAXE
Ola a todos/as,
A continuación déixovos unha serie de recomendacións e tarefas para facer neste parón por mor do Coronavirus. Lembrade que son orientativas e que todo o que fagades a maiores do exposto na aula, volverémolo a ver ou a facer cando regresemos á escola.
Estes consellos pretenden pouco máis que repasar o que xa temos traballado de xeito xeral, sen entrar en traballos específicos que serían de difícil desenvolvemento fóra da aula.
Recibide unha forte aperta, sede prudentes e coidádevos a vós e ós vosos familiares.
TRABALLOS PARA OS/AS ALUMNOS/AS DE EDUCACIÓN INFANTIL E 3º DE PRIMARIA.
-
Sorride. Sede felices todos os días. É a primeira é máis importante norma. É obrigatorio sorrir polo menos 15-20 veces pola mañá e outras tantas pola tarde.
-
Protexédevos do virus que nos ten confinados. Lavade as mans polo menos 40 segundos con auga e xabón. Non vos toquedes a cara na medida do posible. Lembrade que a familia é un equipo: todos deben traballar e protexerse.
-
Lembrade que o uso dos órganos da fala é o que se avalía nesta aula. Coidade a vosa hixiene bucal (lavade os dentes!!!), nasal (sonade os mocos!!!) e auditiva (mantede o pabellón auricular limpo!!!). Cando o teñáis feito, volvede a facer o punto 1.
-
Mantede as rutinas e os horarios similares ós do período lectivo. Non vale deitarse e espertarse tarde. O cole está pechado, pero o curso non rematou. Esto vos permitirá facer o paso 5.
-
Polas mañás, teredes que facer as seguintes tarefas:
5.1- Facede unha ou dúas páxinas deste caderno de grafomotricidade. Primeiro co dedo, logo co lápis, e logo co rotulador.
5.2- Se vos da tempo antes de merendar, facede unha páxina desde cuaderno de conciencia fonolóxica:
5.3- Facede a merenda de media mañá. Logo xogade un ratiño. Logo facede outra vez o punto 1.
5.4- Atopa e colorea as figuras agochadas entre estes dinosaurios.
5.5- Antes de comer, ler algún conto os/as vosos/as fillos/as. Isto potenciará que eles cumpran co punto 1.
6- Polas tardes, poden xogar sen asumir riscos. Tentade que non estean máis de unha hora diante dunha pantalla. Aquí tedes algunas actividades que podedes facer cos vosos/as fillos/as:
-
Antes de rematar o día, lembrádelles que volvan a facer os puntos 1, 2 e 3. Nunca está de máis!!
-
E para rematar, cando nos volvamos ver no cole, espero que me traian coloreado este arco da vella. Logo, adornaremos con él a nosa aula ¡!!
https://www.orientacionandujar.es/wp-content/uploads/2020/03/EL-ARCOIRIS-TODO-VA-A-SALIR-BIEN-.pdf