Actividades curso 2022.23

O alumnado de 1º EP asistiu á Cidade da Cultura á actividade organizada pola Consellería de Cultura, Educación e Universidade.

Dentro do noso PDI sobre as tradicións e coa finalidade de que o alumnado coñecera unha tradición que se está recuperando de cerquiña, trouxemos a uns compoñenentes da recuperación do "Entroido de Samede".

Esta ano entre todo o cole, indo polo camiño da maxia e a bruxería fixemos un conxuro cheo de rimas para que o resultado sexa a PAZ.

Tamén bailamos entre todos e todas a Danza da Paz e plantamos un olivo.

Por fin chegou o momento de poder reunir ás familias no centro despois de dous anos de pandemia sen poder xuntarnos!!

O día 22 realizouse a carreira de San Silvestre, tanto para o alumnado como para adultos e logo as badaladas 2023, que por primeira vez se fixeron no campanario da antiga capilla.

Agradecemos enormemente a gran participación familiar, o gran apoio durante a carreira para que todo saíse segundo o previsto, a alegría e as ganas de pasar un momento xunt@s.

Aproveitamos tamén esta publicación para agradecer ao Concello de Sada que nos facilitase plátanos e augas para todos/as os/as participantes, ao Clube de atletismo de Sada polo material deixado, a Made In Space pola creación da cartelería e deseño das sudaderas.

Boas festas e feliz ano! 

Ao longo do mes de decembro o departamento de orientación está a realizar actividades co alumnado arredor desta temática tan importante e acorde cos valores do centro: a sensibilización e a integración do alumnado. Non hai mellor xeito de facelo que vivindo experiencias como se nós mesmos nos atopáramos na súa situación e establecer diálogo para chegar a importantes conclusións.  

Este venres tivemos a sorte de ter dous obradoiros de familias no colexio.

Un en 6º de Ed. Infantil, onde se contou o conto do Apalpador e logo apareceu el mesmo, co axudante e unha gaiteira, logo pasaron por todas as aulas de ed. infantil.

Outro en 1º Ep, as familias dos nenos e nenas que cumpren anos no primeiro trimestre fixeron un obradoiro de nadal.

Grazas a todas as familias. 

Dentro do noso PDI coñecendo o pasado, o alumnado de 5º e 6º remontouse ao descubrimento dos castelos, as súas funcións a través dunha visita moi dinámica na que eles mesmos forons os verdadeiros protagonistas dos descubrimentos.