DISTRIBUCIÓN DE MÁSCARAS - XUNTA DE GALICIA

Estimadas familias,

Hoxe publícase no DOG a ORDE do 28 de outubro de 2021 pola que se regulan os criterios e o procedemento de distribución de máscaras entre o alumnado matriculado en educación primaria.

O alumnado destinatario será:

 Alumnado matriculado en educación primaria que fose beneficiario da axuda para mercar material escolar no curso 2021/22 (vale de 50€) (NON TEN QUE FACER NINGUNHA SOLICITUDE).

Alumnado matriculado en educación primaria que non fose beneficiario da dita axuda por diferentes causas pero:

1. Pertenza a familias con renda per cápita igual ou inferior a 6000€ (tense en conta o exercicio fiscal 2019).
2. Alumnado matriculado en Educación Especial.
3. Alumnaso suxeito á tutela ou garda da Xunta de Galicia.
4. Alumnado cun grao de discapacidade igual ou superior ao 65%.

• (NESTES CATRO CASOS, TERÁ QUE PRESENTAR SOLICITUDE)

A solicitude será única para todos os fillos/as que estean no mesmo centro docente e deberá entregarse presencialmente no colexio no prazo de 10 días hábiles contados a partir do seguinte á publicación no DOG xunto coa documentación que se sinala na Orde. É dicir entre o 15 e o 26 de novembro de 2021.
Enviámoslles o formulario de solicitude que tamén poden solicitar por teléfono no centro e entregariámoslla ao seu fillo/a.

Recorden que seguindo o Plan Covid, os horarios de atención ao público para realizar trámites administrativos son:  De LUNS a VENRES de 9.10 a 13.45 h. 
     

Un saúdo

Convocatoria (premer aquí).

Solicitude (premer aquí).