A punto de finalizar o Mes das Letras Galegas, SABELA GAGO e as súas maletas viaxeiras chegan a Biblioforte.
Cunha contada teatralizada e interactiva
a gran actriz, pedagoga e contadora de contos embárcanos nunha fascinante viaxe na que ollar o mundo doutra maneira e viaxar sen saír do lugar, coa lectura e a imaxinación.
Dous libros,
maletas de distintos tamaños e formas
e unha gran actriz contadora de contos, engaiolaron ao alumnado de Infantil e 1º Ciclo, que na compaña de Sabela Gago viaxou a países reais e imaxinarios: en avión, barco, helicóptero e ata nunha nave espacial.
Visitaran París, Londres, Roma, Brasil, Nova York, Sevilla...
Rematamos a aventura na gran muralla chinesa xunto a ratiña Sofía na súa viaxe polo Universo para descubrir quen é o ser mais poderoso do Mundo.
Moitas grazas Sabela pola túa visita e por facernos pasar un rato tan agradable e divertido viaxando coa lectura e a imaxinación .
Ata pronto!!!