Ricardo Carvalho Calero naceu en Ferrol (A Coruña), o 30 de outubro de 1910. Era o fillo maior de M.ª Dolores e Gabriel Ricardo.
Os seus primeiros estudos foron nun colexio da rúa Magdalena e despois no Colexio Sagrado Corazón de Xesús, dirixido polo escritor Manuel Comellas. Fixo o bacharelato por libre e trasladouse a Compostela a estudar na súa universidade.
Foi un gran defensor do idioma galego e membro do Seminario de Estudos Galegos onde coñeceu a Vicente Risco, Castelao, Otero Pedrayo, Cuevillas...
Traballou en moitas revistas galegas: A Nosa Terra, Nós, Guión, Galiza, Resol, Universitarios, Papel de Color...
En 1965 incorporouse ao Instituto Rosalía de Castro de Santiago e, como profesor contratado, á universidade compostelá da que se converteu no seu primeiro catedrático de Lingüística e Literatura Galega.
É autor de "Gramática elemental del gallego común" e de obras de teatro, poesía, novela e moitos estudos sobre a lingua e a literatura galega.
Defendeu a postura de que a lingua galega é unha variedade da lingua portuguesa.
Faleceu en Compostela no ano 1990.
Polo seu labor en defensa do idioma e cultura galega a Real Academia Galegas dedícalle o Día das Letras.
(Recuperado de Seminario Galán)
(Imaxe orixinal de Carlos Rodríguez)
http://seminariogalan.org
A celebración do Día das Letras Galegas, cada 17 de Maio, ten a súa orixe no ano 1963, data na que os membros da Real Academia Galega pretendían conmemorar o centenario da publicación de "Cantares Gallegos", de Rosalía de Castro, que está considerada como a obra que inicia Rexurdimento da cultura e literatura galega.
Francisco Fernández del Riego, Manuel Gómez Román e Xesús Ferro Couselo foron os membros da Academia que propuxeronhomenaxear a algún escritor ou escritora, que exaltara e promocionara a nosa lingua. Un requisito imprescindible, ata o de agora, é que a figura homenaxeada finara, polo menos, des anos antes.
Como non podía ser doutro xeito, a primeira escritora homenaxeada, no ano 1963, foi a mesma Rosalía de Castro seguíndolle en anos posteriores: Alfonso Castelao, Eduardo Pondal, Francisco Añón, Curros Enríquez, López Cuevillas, Noriega Varela...
Desde 1991, dezaoito anos despois da súa institución, o Día das Letras Galegas é festividade oficial en Galicia. Constitúe, ademais, a meirande conmemoración da nosa cultura e, arredor dela, desenvólvense numerosos actos organizados desde a Academia, a Xunta de Galicia, os concellos, os centros de ensino e outras entidades ou agrupacións civís que participan, en conxunto, no labor de coñecer, honrar e difundir a memoria e a obra da persoa homenaxeada.
A Real Academia Galega celebrou o pasado 2006 os seus cen primeiros anos de historia.
Fontenla Leal e Manuel Curros Enríquez, dende Habana, deron os primeiros pasos para a creación dun organismo que loitara pola lingua e a cultura galega e así, un 30 de setembro de 1906 celebrouse no salón de actos da Reunión Recreativa e Instructiva de Artesanos da Coruña a constitución e primeira reunión da Real Academia Galega.
A primeira sede foi no Pazo Municipal de A Coruña, pasando posteriormente a un edificio da Rúa Tabernas, propiedade dunha das académicas, a condesa de Pardo Bazán.
O seu primeiro presidente foi o historiador Manuel Murguía, marido de Rosalía de Castro.
Para moitas e moitos de vós esta será a primeira das viaxes; para outras, os máis experimentados, unha continuación da aventura. Sexa como for, nesta nave collemos todos. Porque estades na Primavera das Letras, a base de lanzamento da celebración do Día das Letras Galegas da Real Academia Galega para os nenos e nenas que cursades infantil e primaria. Dende aquí espallamos o Día das Letras por todo o planeta, por toda a galaxia!
Prepárate para un percorrido pola biografía de Ricardo Carballo Calero, unha viaxe ao pasado que che ha axudar a comprender mellor o noso presente.
Ricardo Carballo Calero foi un lector apaixonado dende neno. Aquela semente de libros floreceu no rapaz, que demostrou dende moi cedo a súa madeira de escritor.
Nunca se converteu en mariño, como imaxinara de mozo, pero capitaneou o buque máis grande das nosas letras: a Historia da literatura galega contemporánea.
Ricardo Carballo Calero fixo historia na universidade: en 1972 converteuse no primeiro catedrático de Lingüística e Literatura Galega.
Imprime e colorea estas ilustracións inspiradas na vida e obra de Ricardo Carballo Calero.
Descarga e imprime chapas e marcapáxinas inspiradas na Primavera das Letras 2020.
Cada 17 de maio, na cerna da primavera, celebramos que en Galicia temos unha lingua e unha literatura propia.
| Lun | Mar | Mér | Xov | Ven | Sáb | Dom |
|---|---|---|---|---|---|---|
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 |
Xunta de Galicia - Consellería de Educación, 2013 | ||
