Equipo Dinamización Lingua Galega

Non vos podedes perder os actos que se celebraron no noso centro para a celebración do día das Letras Galegas. O noso alumnado participou de xeito variado: lendo, cantando, bailando e actuando! todo arredor das obras de Carlos Casares Mouriño, autor orixinario de Xinzo de Limia, ao cal este ano se lle dedicou este día tan sinalado. Esperamos que o desfrutedes.

  Héctor Cajaraville (Santiago de Compostela, 1974) estudou Xornalismo e desenvolveu a súa actividade profesional como responsable de prensa en diferentes entidades e institucións, como a Asociación Galega de Cooperativas Agrarias, a Universidade de Santiago de Compostela ou o Concello de Santiago, e tamén como redactor nos diarios "La Voz de Galicia" e "De Luns a Venres". En 2015 gañou o Premio Xerais coa súa primeira novela, "De remate", e foi finalista do Premio Merlín de Literatura Infantil con "Quen dá a quenda?" (Xerais, 2016). Nese mesmo ano a súa obra "A caixiña dos rancores (Vidas cruzadas)" (Xerais, 2016) recibiu o Premio Raíña Lupa de Literatura Infantil e Xuvenil da Deputación da Coruña, e en 2016 gañou o Premio Ánxel Fole de Narración Curta do Concello de Lugo con "Once portas" (Xerais, 2017) e o Premio Meiga Moira de Literatura Infantil e Xuvenil con "Denébola a Roxa".É o autor da tradución ao galego da novela "O gardián invisible", de Dolores Redondo. Ademais, participou na redacción do "Dicionario Xerais de Secundaria e Bacharelato" (2014) e publicou varios traballos académicos sobre lexicografía do mundo do mar, recursos ludolingüísticos na prensa ou análise da linguaxe xornalística. Desde 2011 dedícase á corrección de orixinais para diferentes selos editoriais galegos. Foto

 FRAN ALONSO NO MESTRE VIDE

Francisco Alonso Villaverde, nado en Vigo o 27 de xuño de 1963, é un escritor galego.

Traxectoria

Estudou filoloxía Galego-Portuguesa na Universidade de Santiago de Compostela. A súa carreira como escritor aparece vencellada profesionalmente ó xornalismo e ó ámbito da edición. Foi redactor de Diario 16 de Galicia, e dende 1992 traballa en Edicións Xerais de Galicia.

Deuse a coñecer en 1991 ó gañar o Premio Blanco Amor con Tráiler, unha novela que xira en torno á vida e mitos dos transportistas. En 1994 publica Cemiterio de elefantes, unha colección de relatos centrados no mundo da noite, e en 1995 Silencio, unha novela curta na que explora a esquizofrenia do mundo urbano. O libro de relatos Males de cabeza fala sobre os problemas individuais que teñen que ver coa neurose socializada e coa ansiedade que afectan a todo o conxunto social.

Como poeta é autor dunha innovadora e interesante obra dende 1992, cando deu ó prelo Persianas, pedramol e outros nervios. A vontade rupturista e rebelde dos seus poemas está presente nas súas sucesivas entregas: Tortillas para os obreiros en 1996, Subversións en 2001. O seu último poemario constitúeo Balada solitaria, un diálogo entre a linguaxe poética do galego e a linguaxe figurativa do fotógrafo portuense Renato Roque.

A súa obra narrativa e poética aparecen recollidas en diversas antoloxías. Traduciu para o galego o Polgariño de Charles Perrault, foi un dos animadores das Edicións do Dragón e coordinou e editou o libro Mini.relatos, publicado pola Librería Cartabón (1999), onde participaron 27 autores galegos novos. Foi responsable das coleccións de poesía Ablativo Absoluto e de narrativa Abismos, durante o período de vixencia das mesmas.

Está casado con Concha Costas, ex-presidenta da Mesa pola Normalización Lingüística do galego.

http://youtu.be/UD9eR4grWI0

VIDEO LETRAS GALEGAS 2014 http://youtu.be/8EQjQgiUCc0 VIDEO LETRAS GALEGAS 2013