CEIP Plurilingüe Mestre Rodríguez Xixirei

Todo o alumnado de nova incorporación que solicitou praza no noso centro para o curso 2021/2022 está admitido.

Segundo o recollido nas Instrucións da Dirección Xeral de Centros e Recursos Humanos sobre o proceso de admisión de alumnado para o curso académico 2020-2021 no apartado 7. a) e b), a consulta por parte das familias das listaxes provisionais e definitivas só se poderá realizar de forma:

• PRESENCIAL no taboleiro de anuncios situado no interior do edificio escolar, ou
• NON PRESENCIAL única e exclusivamente a través da aplicación admisionalumnado empregando a Chave365 ou certificado dixital da Fábrica Nacional da Moneda e Timbre.

O alumnado admitido deberá formalizar a matrícula entre o 20 e 30 de xuño.

3º CONCURSO DE FOTOGRAFÍAS POLA IGUALDADE.

CONVOCATORIA E PARTICIPACIÓN

1.     A Federación Galega de ANPAs Compostela convoca o III Concurso de Fotografía co obxectivo de que o alumnado ou as familias dos centros de infantil, primaria, secundaria e bacharelato plasmen nunha fotografía como ven a igualdade  en calquera ámbito da vida e promover a reflexión.

2.     As imaxes irán acompañadas dun título e un pequeno texto explicativo do que representa.

3.     Cada participante presentará un máximo DUNHA fotografía.

4.     As fotografías deben ser orixinais e inéditas e non poden ter sido premiadas en concursos anteriores nin publicadas en ningún tipo de soporte.

5.     A Federación Galega de ANPAs Compostela resérvase o dereito a eliminar do concurso aquelas fotografías que induzan, inclúan ou teñan relación directa ou indirecta con calquera tipo de violencia ou que fagan publicidade de calquera tipo de marca ou negocio.

6.     A falta de veracidade, a incorrección nos datos proporcionados polas persoas participantes, a falta de autoría ou orixinalidade, a xuízo do xurado, permitirán a Federación Galega de ANPAS Compostela a súa exclusión do concurso.

7.     As fotografías pasarán a ser propiedade da Federación Galega de ANPAs Compostela, que adquirirá o dereito pleno á súa utilización.

MÁIS INFO AQUÍ

PROCESO ADMISIÓN ALUMNADO 2021-2022

Xa están publicadas as listaxes de alumnado admitido para o curso 2021-2022 na aplicación admisionalumnado e no taboleiro interior do centro.

Como non se pode acceder ao centro, podemos aclarar que todas as solicitudes de admisión recibidas foron admitidas. Polo que todo o alumnado solicitante ten praza neste centro.