EDLG

   O mércores 5 de xuño veu Cristina en representación de Sogama para falarnos de como axudar a manter máis limpo o noso planeta. Aprendemos moitas cousas sobre onde poñer cada tipo de lixo, xogamos e ao final levamos todos un bonito regalo.

  O xoves 16 de maio celebramos o Día da Letras Galegas, que este ano cambiou de formato. Xa non tivemos carreira e a novidade foron obradoiros de cantaría, cestaría, pandeiretas, papiroflexia e xabóns. Desde aquí o noso agradecemento a María, Marcos, Carmen, Claudia e Orencio.

  O luns 1 de abril foi o Día das Artes Galegas, dedicado este ano ao insigne escultor Francisco Asorey (si, o que fixo a estatua que está no Parque Municipal de Ordes). Por este motivo fixemos no cole un xigantesco mural cunha das súas obras máis representativas: Naiciña de 1922. Vede na foto o chulo que quedou.

  O día 23 de febreiro conmemoramos o nacemento da nosa escritora máis coñecida. Así que todos nos reunimos no pavillón para oír un dos seus poemas musicados e plantar unha camelia na súa honra. Para ver fotos, premede no letreiro.

  O venres, día 12 de maio celebramos as Letras Galegas con moitas actividades. Premede no letreiro para ver as fotos.

  Con algo de retraso -circunstancias mandan- todas as clases do cole dedicamos tempo a celebrar á nosa máis grande escritora. Premede na imaxe e vede como nos quedaron eses traballos.

  Os nenos e nenas do CEIP Mesón do Vento fixemos un traballo moi importante de tipo etnográfico: buscamos refráns sobre todos os meses do ano, logo escribímolos e ilustrámolos e velaquí tedes o resultado dese traballo.

REFRÁNS do mes de DECEMBRO

REFRÁNS do mes de XANEIRO

REFRÁNS do mes de FEBREIRO

REFRÁNS do mes de MARZO

REFRÁNS do mes de ABRIL

REFRÁNS do mes de MAIO

REFRÁNS do mes de XUÑO

E de propina os nosos rapaces maiores lendo contos.

  Xa sabedes que este 17 de maio chega o día máis grande para a nosa cultura. Desde o EDLG queremos que o celebredes como se nada pasase. Un abrazo a todos e que teñades un gran DÍA das LETRAS GALEGAS. Para coñecer mellor ao autor homenaxeado, Carvalho Calero podedes ver este vídeo cun dos seus poemas máis nostálxicos e emotivos: Ferrol 1916.