Ed. Infantil

Agrupamento do Alumnado

3 anos: 19 alumnos/as

4 anos A: 13 alumnos/as

4 anos B: 12 alumnos/as

5 anos: 15 alumnos/as

O xoves 24 de outubro os alumnos de 5 anos representaron o conto "Paco Papán" diante dos seus compañeiros do cole. Por se non o sabedes, é a historia dun rapaz non demasiado listo a quen as cousas acostumaban a saírlle mal.

O espectáculo foi todo un éxito e os actores e actrices recibiron grandes aplausos polo seu desempeño. Se queredes ver algunha foto, premede na imaxe.

FestiValga 2024

O alumnado de 5º de Educación Infantil participa, un ano máis no FestiValga, concurso musical organizado polo CRA de Valga, representando a Grecia coa canción “OPA”.

Esperamos que vos guste!

Visita ao Ventoso

O mércores 20 de marzo os alumnos de Educación Infantil, visitamos a Granxa escola "O Ventoso" no concello de Laracha. Non tivemos sorte co tempo, que foi bastante malo, pero aínda así pasámolo moi ben.

Día da non Violencia e da Paz

O alumando de Educación Infantil ilustra e pon voz ao conto "Un can e un gato" de OQO Editora para conmemorar o 30 de xaneiro de 2024, Día escolar da non violencia e da Paz.

Superguateque en Educación Infantil

O 20 de xuño o alumnado de Educación Infantil desfrutou dun guateque cunha chea de obradoiros (maquillaxe, perruquería, karaoke e photocall). Premede na bola para ver as imaxes.

FestiValga Eurovisión 2023

Os nenos e as nenas de 4º de Educación Infantil presentan a súa candidatura ao concurso FestiValga Eurovisión 2023, organizado polo CRA de Valga, interpretando a canción "Terra" das Tanxugueiras. Esperamos que vos guste!

Clicade na imaxe para ver a nosa actuación.

Reunión Alumnado Infantil

Bo día familias!

Somos Alexia, Marta e Noelia, as mestras de 5, 4 e 3 anos respectivamente. Convocámosvos o mércores 7 de setembro ás 11.30h. no pavillón do noso cole, co fin de falar do desenvolvemento do curso e as rutinas básicas.

Aquí tendes a información básica entregada este día. Premede en Ardemiro.