Complementarias

  Aínda que algunhas clases xa empezaron antes coa decoración e outras actividades, desde o 28 de outubro todo o cole se embarca no Samaín (ou Halloween) coa gran exposición de cabazas. Despois, o mércores 30 de outubro celebramos de verdade a festividade. Para ver fotos, premede na imaxe.

  O venres 25 de outubro tivo lugar a xa tradicional Carreira Solidaria contra a leucemia. O éxito foi rotundo, acadando un novo récord de recadación polo que damos as grazas a toda a comunidade educativa.  A competición celebrouse no pavillón debido ás inclemencias meteorolóxicas. Para ver fotos, premede no cartel luminoso.

Este ano tivemos récord na recadación, chegando ata os 1161,31€.

Tendes aquí o xustificante do ingreso.

  Por fin!!!! O día 21 de xuño foi o último deste curso e, para celebralo como se merece, tivemos o noso acto de graduación nada menos que na Casa de Cultura da vila (agradecementos ao Concello). Que ben o pasamos e canto choramos!

  Se queredes ver algunha foto do evento, premede no birrete.

  Este curso participamos en "Vexo, vexo, Xacobeo", programa que tenta chegar ao alumnado os valores do Camiño. Tivemos viaxes, actividades e os días 28 e 29 de maio viñeron ao noso centro. Premede na imaxe e veredes algunhas fotos, e aquí abaixo o vídeo que fixeron.

CEIP de Mesón do Vento - ORDES - VEXO VEO XACOBEO 23·24 from Turismo de Galicia on Vimeo.

  O venres día 24 de maio os alumnos e alumnas de 3º, 4º, 5º e 6º de EP tiveron unha interesante charla sobre compostaxe, ofrecida polo Concello de Ordes. Grazas ás explicacións de Andrés agora sabemos máis sobre este proceso. Para ver fotos preme na imaxe.

  Aproveitando que o día 7 de abril é o Día Mundial da Saúde, o xoves 5 viñeron ao noso cole tres membros da Clínica Dental Bucoexpert de Cerceda para dar unha charla aos alumnos de Ed. Infantil e Primaria sobre a importancia de ter unha correcta hixiene dental. Aprendemos moitísmo con eles e seguro que imos ser máis coidadosos co que comemos e imos lavarnos mellor os dentes! E de propina, déronnos un regalo moi chulo.

  O martes 2 de abril, viñeron ao cole tres membros da asociación de Concellos do Camiño Inglés a ensinarnos cousas do noso contorno: arquitectura, historia, lendas... todo de forma lúdica a través dun xogo enorme da oca que abranguía esa temática.

  Os afortunados foron os alumnos de 3º e 4º de EP que pasaron uns bos momentos no pavillón aprendendo este xogo.

  O día 21 de marzo (o 2º día da primavera este ano) achegouse ao noso colexio a concelleira Susana García para celebrar o Día da Árbore cos rapaces de 3º e 4º de Educación Primaria.

  Este ano plantaron un limoeiro e recitaron poemas ata con lingua de signos!

  Para ver fotos premede na imaxe.

Para celebrar o Día da Muller, o venres 8 de marzo veu a dar unha charla a todos os nosos rapaces a antiga alumna do noso cole, excelente deportista e xornalista na tele e radio galegas, Rocío Candal. Contounos moitas cousas interesantes sobre a súa carreira e ata nos asinou autógrafos! Para ver fotos, premede na imaxe.

  E ademais preparamos un photocall de todos os nosos alumnos e persoal docente e non docente.

 Nota de prensa: A "revolta feminista" toma Santiago

Photocall 8M CEIP Mesón do Vento de Sergio Garcia Liñares

  Chegou por fin o venres de Entroido. Tristemente a meteoroloxía gastounos este ano unha mala pasada e non puidemos pasear os nosos disfraces pola vila do Mesón.

  Pero non hai mal que por ben non veña e a festa no noso pavillón foi das que fan época. Todo foi diversión e troula, sen esquecer aos nosos estómagos.

  Se premedes en Ardemiro podedes ver unhas cuantas fotos da nosa celebración.