RETO ROBÓTICO 1 EN 5.º DE PRIMARIA: DRAWBOT

En 5º de primaria estamos a traballar robótica mediante o logro de retos que iremos popoñendo ao longo do curso. O primeiro dos retos tratábase de construír un robot simple ao que chamamos Drawbot. Os Drawbots son máquinas que transforman a vibración dun motor nun movemento aplicado a ferramentas de debuxo, como poden ser uns rotuladores. O eixe do motor transmitirá unha vibración circular e esta quedará plasmada en patróns circulares máis ou menos perfectos .Son moi divertidos de construír e mirar debuxar. Unha das formas máis comúns de alimentalos é usar un circuíto sinxelo cunha batería de 1,5v e un motor de corrente continua con peso descentrado do seu eixe para crear vibracións.

Así foi o noso proceso de fabricación, ao final do cal creamos unha pintura abstracta ao estilo de Wassily Kandinsky ou de Jackson Pollock