Vostede está aquíComedor escolar
Comedor escolar
RECEITA - Pastel de polo e cabaza
Bo día.
Deixámosvos aquí unha das receitas que fixemos a semana pasada no comedor do colexio e que nos gustaría compartir coas familias para que proben a facelo nas súas casas.
Un saúdo e que aproveite.
PASTEL DE POLO E CABAZA
INGREDIENTES |
|
|
|
150 gr. de peituga de polo 150 gr. de cabaza ½ cebola ½ pemento 1 ceboleta 1 cenoria |
1 culleriña de mostaza Salsa de soia Aceite de oliva Sal Pementa |
1.
Cortamos as peitugas de polo en anacos de tamaños similares e dourámolos na sartén cun chisco de aceite.
2.
Retiramos o polo e seguimos cociñando as verduras finamente picadas. Comezamos pola cebola, seguimos co pemento e a cenoria e, por último, a ceboleta.
3.
Pelamos a cabaza e cortámola en anacos. Cociñamos a cabaza, ben fervéndoa en auga con sal ou ben ao forno a 180ºC uns 25 minutos.
4.
Unha vez obteñamos o puré de cabaza, engadímoslle dúas culleriñas de soia para agregar un punto orixinal que contrastará coa dozura da cabaza.
5.
Preparamos unha fonte para o forno. Colocamos unha capa de puré de cabaza, enriba o polo coas verduras e por último outra capa de puré de cabaza. Se queremos e nos gusta, podemos pódese poñerlle un pouco de pan relado con queixo para darlle un toque crocante a este pastel.
6.
Metemos o pastel no forno a 180ºC uns 25 minutos ata ter listo o noso pastel de polo e cabaza.
MODIFICACIÓN MENÚ - 28/02/2023
Bo día.
Comunicámoslles que hoxe modificamos o menú e no lugar de falafel vai haber potaxe de garavanzos.
Un saúdo e desculpen as molestias.
MODIFICACIÓN MENÚ - 15/02/2023
Bo día.
Por problemas no subministro de mercancía temos que modificar o menú de hoxe, polo tanto os espaguetes con tomate caseiro levarán atún en lugar de cogomelos.
Un saúdo.
MODIFICACIÓN MENÚ - 01/02/2023
Bo día.
Por falta sazón vémonos na obriga de poñer hoxe iogur de postre e a pera o venres.
Desculpen as molestias.
Un saúdo.
Cambio menú - 15/12/2022
Bo día.
Informamos dende o comedor que hoxe imos cambiar o potaxe de garvanzos polo cóctel de gambas que sería mañá. Así, mañá venres os nenos/as comerán de primeiro prato o potaxe de garavanzos, que con este frío xa vai tocando algo quente.
Un abrazo para quen queira recibilo.
Comedor - 07/12/2022
Bo día.
Informámosvos dun cambio de última hora no menú de hoxe (07/12/2022). No postre cambiamos o caqui pola mazá. A causa? A froita, como todo nesta vida, precisa madurar.
Un saúdo e desculpen as molestias.
COMEDOR - SEMANA DO 24/10 AO 28/10
Por motivos de xestión do comedor, esta semana realizamos varios cambios no menú. Aquí volos deixamos detallados.
Martes, 25/10: este día, sentíndoo moito, cambiamos a sandía pola mazá. O cocido mantense ;)
1º prato | 2º prato | postre |
caldo galego | raxo de pavo con patacas dado | mazá |
Mércores, 26/10: sabemos o moito que lles gusta o peixe espada aos nenos/as, pero por motivos de xestión temos que mudalo pola merluza.
1º prato | 2º prato | postre |
ensalada de pasta | merluza á portuguesa con pataca cocida | laranxa |
Xoves, 27/10: o xoves celebramos o Samaín no Mesón e queremos facelo por todo o alto, por iso cambiamos o menú do venres para o xoves e o do xoves para o venres.
Un saúdo e desculpen as molestias.
CAMBIOS DE MENÚ
Informamos ás familias de que o xoves día 13 de outubro vaise modificar o menú por necesidades relacionadas co bo funcionamento do comedor. Deste xeito, o menú para o xoves queda así:
- Primeiro prato: lentellas estofadas
- Segundo prato: albóndegas de pavo con puré de patacas
- Sobremesa: laranxa
Un saúdo!
Solicitudes para o comedor escolar
Aquí tedes as instrucións para solicitar o comedor do centro no vindeiro curso 2022-2023. Premede nas ligazóns para ler as instrucións da circular e descargar o anexo II, onde está o modelo de autodeclaración. O prazo de entrega finaliza antes do 7 de setembro (Para adiantar traballo mellor entregar a solicitude na primeira quincena de xullo de 10 a 14 horas). Aqueles que queirades colaborar na atención do comedor, descargade o anexo IV. Animádevos!
Enquisa de satisfacción do comedor 21/22
Achegamos a enquisa anual para valorar o grao de satisfacción co comedor escolar, tan só vos levará uns 2-3 minutos.
Por un lado, teremos a enquisa para cubrir cada familia e polo outro, teremos outra ligazón distinta para o persoal colaborador, cociñeir@s e profesorado que asisten diariamente.
A data final para a realización da enquisa será o venres 10 de xuño ás 23:55.
* Ligazón para as familias (cubrir só unha por familia): https://forms.gle/8ncVjrJD9zAa6zEKA
* Ligazón para o persoal colaborador, persoal de cociña e profesorado: https://forms.gle/TBVGYMgz8R4yfwzf8
- « primeira
- ‹ anterior
- 1
- 2
- 3
- 4
- 5
- 6
- 7
- seguinte ›
- última »