Secretaría

Segundo o disposto no artigo 4 punto 1 da Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento nos centros sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei Orgánica 2/2006, do 3 de maio, de educación: “O alumnado que queira acceder aos servizos complementarios de comedor e/ou transporte e teña garantía de permanencia no centro docente e non teña que formalizar a matrícula, deberá solicitalos expresamente mediante escrito dirixido ao centro durante o mes de maio de cada ano”.

Seguindo a Instrución Conxunta 1/2022, correspondente ao transporte escolar, para manter a condición de usuaria/o con dereito ao transporte escolar, é necesario que se faga un uso continuado do transporte escolar, entendido este como o uso repetitivo del en días fixos da totalidade das semanas, no caso que non se faga uso de xeito continuado, perderá a condición de usuario con dereito a transporte.

Seguindo a Instrución 2/2022, sobre o funcionamento dos comedores escolares de xestión directa, @s usuarios/as do servizo de comedor escolar que durante o prazo dun mes de xeito continuado non fagan uso do citado servizo coa frecuencia solicitada, causarán automaticamente baixa no servizo, agás causas debidamente xustificadas polos usuarios/as ante a dirección do respectivo centro educativo.

Achegámoslles a solicitude de comedor e de transporte escolar para o vindeiro curso 2023/2024. Se están interesados, deben presentala no centro ata o 31 de maio.

 As solicitudes terán que vir asinadas por calquera dos titulares da patria potestade ou representantes legais. No caso de separación ou divorcio será necesaria a sinatura de ambos proxenitores, agás que a patria potestade estea atribuída a un deles. En ambos casos, será necesario presentar xunto coas solicitudes a resolución xudicial correspondente, agás en casos de violencia de xénero.

Poden entregalas no edificio administrativo  do centro dentro do horario do equipo directivo establecido de atención ás familias (achegámolo abaixo e está na páxina web) sen cita previa.

Lembren acompañar a solicitude coa copia da documentación que corresponda segundo o caso:

− Usuario de transporte escolar sen servizo a mediodía: É preciso entregar un certificado familiar colectivo do PADRÓN MUNICIPAL. 

− Usuario en situación socioeconómica desfavorable: INFORME dos Servizos Sociais do Concello.

− Usuario cunha discapacidade igual ou superior ao 33%: CERTIFICADO de minusvalía.

− Familias numerosas: TÍTULO DE FAMILIA NUMEROSA.

− Se os pais traballan e non teñen horarios compatibles coa saída do alumnado: CERTIFICADO de horario con selo e asinado pola empresa.

− TRABALLADORES AUTÓNOMOS: CERTIFICADO de alta e último recibo aboado.

Prezadas familias:

De acordo co establecido no Decreto 8/2015, do 8 de xaneiro, polo que se desenvolve a Lei 4/2011, do 30 de xuño, de convivencia e participación da comunidade educativa en materia de convivencia escolar, constituíuse o Consello para a Convivencia Escolar da Comunidade Autónoma de Galicia e aprobouse a Estratexia Galega de Convivencia Escolar 2015-2020: educonvives.gal.

No marco desta estratexia realizáronse no 2015, no 2019 e no 2021 as enquisas de diagnose que permitiron identificar os puntos fortes e febles na xestión da convivencia e na resolución de conflitos nos centros educativos, o que permitiu a elaboración do Plan de convivencia do centro tendo en conta estes aspectos.

Transcorrida esta etapa, publícase a nova estratexia de convivencia, a Estratexia Galega de Convivencia Escolar 2025, que contempla o seguimento e avaliación da convivencia escolar en Galicia mediante a realización dunha enquisa bianual nos centros educativos e a elaboración do posterior informe de diagnose.

Por tanto, no presente curso levarase a cabo unha nova enquisa na comunidade educativa, do 3 de maio ao 22 de maio de 2023.

A recollida de datos farase mediante unha ferramenta informática en liña, de xeito automatizado e totalmente anónimo. Para garantir este aspecto despregaranse diversas solucións tecnolóxicas e de procedemento entre as que destaca o acceso á propia ferramenta de recollida de datos.

A través da ferramenta: https://www.edu.xunta.es/convivenciaxestion/ as familias poderán participar voluntariamente, independentemente dos fillos escolarizados no centro, empregando a clave de acceso que o centro lle facilitará, creadas de xeito aleatorio, para cumprimentar a enquisa premendo no apartado "Recollida de datos para as familias" (Premede aquí para acceder directamente).

As claves de acceso entregaranse ás familias desde o centro, xunto coas explicacións facilitadas para o proceso.

A todo o alumnado de 5º e 6º de Educación Primaria se lles proporcionará as súas claves para cubrir os cuestionarios no propio centro educativo. (Premede aquí para acceder directamente).

Vimos de publicar a listaxe provisional de admitidos e non admitidos para 4º de Ed. Infantil.

Podedes consultala:

• Presencialmente: única e exclusivamente no taboleiro de anuncios situado no interior do edificio escolar.
• Telemáticamente: única e exclusivamente a través da aplicación admisionalumnado empregando a Chave365 ou o certificado dixital.

Tras a publicación desta listaxe provisional, temos un período de reclamación de 5 días hábiles, contando como primeiro día o mércores 26 de abril e rematando o mércores 3 de maio.

Lembramos os vindeiros prazos:

• Publicación da listaxe definitiva, 18 de maio do 2023.
• O alumnado admitido no centro formalizará a súa matrícula na SEcretaría do centro educativo do 20 ao 30 de xuño.

Tras rematar o prazo de admisión, informamos do seguinte:

- Todas as solicitudes que non foron de 4º de Educación Infantil para o curso 23/24 están admitidas (tanto para diversos cursos de Educación Infantil como de Educación Primaria).

- Para 4º de Educación Infantil foron rexistradas máis solicitudes que as 25 vacantes fixadas para o alumnado de ingreso ao curso 23/24, co cal, procederemos á adxudicación de postos escolares con fase de baremo. Tendes toda a información referente a este proceso nos ficheiros achegados, cos criterios do baremo, os prazos, a posible documentación a entregar en cada caso e o horario de atención ás familias.

- Prazos a ter en conta a partir de agora:  

     * A listaxe provisional cos admitidos publicarase o 25 de abril.

     * Haberá un período de reclamacións de 5 días a partir do día seguinte da publicación da listaxe provisional.

     * Publicación da listaxe definitiva, 18 de maio do 2023.

     * O alumnado admitido no centro formalizará  a súa matrícula na Secretaría do centro educativo do 20 ao 30 de xuño.

Iremos informando na web de cando se realizarán as publicacións das listaxes no taboleiro do centro e na aplicación https://www.edu.xunta.es/admisionalumnado/.

• Datas: Do 1 ao 20 de marzo de 2023, ambos inclusive, estará aberto o prazo para a presentación de solicitudes de admisión para alumnado de nova incorporación ao centro.

• Vacantes curso 2023-2024 e horario de administración (ver documentos adxuntos).

• Preferentemente con chave 365 ou certificado electrónico a través da seguinte ligazón:  https://www.edu.xunta.gal/admisionalumnado/. Pinchando en solicitude - crear.

• Cómpre cumprimentar o Anexo II (ver documento adxunto) e asinar ambos proxenitores a solicitude e a comprobación de datos. Ademais, hai que entregar a fotocopia do libro de familia con todos os membros e aportar o padrón municipal.

• Publicación da listaxe provisional de admitidos e non admitidos, antes do 25 de abril do 2023 (ver criterios de admisión en documentos adxuntos). Publicarase no taboleiro de anuncios do centro, así coma na aplicación: https://www.edu.xunta.es/admisionalumnado/

• Publicación da listaxe definitiva, 15 de maio do 2023. Publicarase no taboleiro de anuncios do centro, así coma na aplicación: https://www.edu.xunta.es/admisionalumnado/

• O alumnado admitido no centro formalizará  a súa matrícula na Secretaría do centro educativo do 20 ao 30 de xuño.

• Pode facer calquera aclaración a través do correo do centro: ceip.meson.vento@edu.xunta.gal ou a través do teléfono 881880894.

O vindeiro mércores 1 de marzo ás 17:00h. no noso centro educativo, teremos a xornada de portas abertas para as familias/alumnado de novo ingreso no centro da zona de influencia e resto de familias interesadas da contorna.

As vacantes por curso, a día de hoxe, son as seguintes:

O prazo de presentación de solicitudes para a reserva de praza no centro de adscrición (IES Maruxa Mallo)  foi desde o 16 de xaneiro ata o 6 de febreiro, ámbolos dous incluídos.

As familias poderán cumprimentar as solicitudes de reserva de xeito manual ou a través da seguinte aplicación, mediante o modelo anexo I (código de procedemento ED550A), Admisión Alumnado no menú:

Solicitudes > Reserva > Crear

Esta solicitude deberase presentar:

- No centro educativo de orixe (CEIP Mesón do Vento) no horario de atención ás familias do equipo directivo.

- En calquera dos lugares que establece a Lei 39/2015, do 1 de outubro, do Procedemento Administrativo Común

- Na SEDE ELECTRÓNICA, para o que se precisará de Chave365 ou certificado dixital, sendo esta a canle preferible de presentación.

- Modelo Anexo I en castelán (ED550A) 

- Modelo Anexo I en galego ( ED550A)

- Manual de proceso de reserva

- Instrucións para a reserva de praza

Comezamos co procedemento para a renovación e, polo tanto, a elección ao consello escolar. 

De conformidade co establecido na Resolución do 19 de setembro de 2022, da Secretaría Xeral de Educación e Formación Profesional (DOG 30 de setembro), realizarase proximamente  a renovación de membros do CONSELLO ESCOLAR que é o instrumento de participación na vida escolar de todos os sectores educativos do colexio.

A organización e a supervisión do procedemento de elección dos novos membros do Consello Escolar estará a cargo da Xunta Electoral que se constituirá ao efecto, e integrada por:

- O director do centro.

- Un profesor ou profesora.

- Unha nai, pai ou titor/a legal.

- Unha representante do persoal de administración e servizos.

• O primeiro paso do proceso é a publicación data e hora do sorteo público para a designación dos membros de Xunta Electoral, que será o vindeiro mércores 2 de novembro ás 14:50h.

SORTEO PÚBLICO

• Posteriormente, as persoas titulares e suplentes escollidas no sorteo, serán informadas nese día e quedarán citadas para o xoves 3 de novembro ás 14:15 para levantar acta da constitución da Xunta Electoral e establecer o calendario de actuacións.

XUNTA ELECTORAL 

• Aqueles membros da comunidade educativa que desexen presentar as súa candidatura para formar parte do novo Consello Escolar deberán seguir as instrucións que figurarán nas distintas convocatorias que proximamente se farán públicas pola Xunta Electoral do Centro.

• Na primeira destas reunións, acordamos as datas e informacións básicas con datas esenciais do proceso:

CARTA ÁS FAMILIAS

• Tamén se acordou o día 21 de novembro ás 14:15 horas como o momento do sorteo da mesa electoral, constituída por 4 nais/pais, titores/as legais e o director do centro.

SORTEO DA MESA ELECTORAL

INTEGRANTES DA MESA ELECTORAL

• Rematado o prazo para a solicitude de candidaturas, engadimos a listaxe cos candidat@s (haberá prazo de reclamacións ata o 24 de Novembro).                   

LISTAXE DE CANDIDATOS 

• Finalmente como informamos a través das cartas ás familias, as eleccións ao consello escolar sector familias será o martes 29 de Novembro do 2022 de 16:35 a 20:00.

• Logo das votacións, informamos dos resultados:

CANDIDATOS ELIXIDOS 

Polo tanto, damos por finalizado o proceso, agradecendo a participación de toda a comunidade educativa.

No Diario Oficial de Galicia do día 14 de outubro de 2022 publicouse a Resolución do 5 de outubro de 2022 de concesión directa da ampliación da axuda para adquirir material escolar, regulada na Orde do29 de abril de 2022.

Nesta resolución establécese que os beneficiarios do vale para adquirir material escolar por importe de 50€ recibirán un vale adicional de 25€. Así mesmo, o alumnado que se incorpore a un centro docente sostido con fondos públicos ao longo do curso escolar e ata o 31 de marzo de 2023, que perciba a axuda para adquirir material escolar da Orde do 29 de abril de 2022, tamén percibirá esta ampliación.

A resolución dispón que as familias poden recoller o vale de 25 € nos centros docentes e que se empregarán preferentemente antes do 1 de decembro na librería/establecemento.

O vale para adquirir material escolar-ampliación (25€), obxecto desta resolución e o  vale para adquirir material escolar (50€) son vales independentes e non fraccionables, polo que se poderán empregar os dous nun único establecemento ou cada un deles, polo importe íntegro, en dous establecementos distintos.

Polo que, as familias beneficiarias anteriormente do vale de material (50€) poderán pasar pola secretaría do centro a recoller o vale adicional de 25€, no horario de atención ás familias do equipo directivo ata o vindeiro venres 4 de novembro.

Para máis información premede aquí.

Presentamos as listaxes de material para o alumnado dos distintos cursos. Iremos engadindo as listaxes do resto de cursos nos vindeiros días. Premede no curso correspondente: 

1º de Primaria  2º de Primaria    3º de Primaria

4º de Primaria   5º de Primaria   6º de Primaria