XINCANA POLA IGUALDADE.

 O 30 de marzo pechamos as actividades do mes, celebrando unha xincana de xogos a cargo de DINAMO (empresa de xestión de actividades socioculturais). A actividade estivo dirixida a todo o alumnado do centro.

Para os nenos e nenas de educación infantil, 1º e 2º de educación primaria; as actividades incluían a narración do conto "Daniela Pirata" e a superación de diversos retos en equipo: xogos de rapidez, pesca de botellas con mensaxes, percorrido con obstáculos, xogo de mímica... todo isto encamiñado a concienciar aos máis cativos e cativas da importancia da igualdade e da coeducación.

Para o alumnado de 3º a 6º de educación primaria, leváronse a cabo catro actividades por equipos (mulleres na historia, rompendo estereotipos, copia e pega, time's up); co obxectivo de sensibilizar en igualdade e previr as violencias machistas.