![]() |
ENTREGA DE PREMIOS: CONCURSO "UN SELLO PARA LUGO"
A Federación Española de Sociedades Filatélicas a través da súa Comisión de Xuventude, co patrocinio da Sociedade Estatal de Correos e Telégrafos, dentro das actividades da 59 Exposición Nacional de Filatelia EXFILNA 2021, que se celebrou en Lugo do 21 ao 24 de outubro; convocou un concurso escolar de debuxo baixo o lema "Un sello para Lugo".
Neste concurso participaron varios alumnos e alumnas do noso centro; quedando como finalista Alba Murado Folgueira.
Ademais de ver o seu debuxo convertido nun selo de curso legal, tarifa A (nacional ata 20 gramos), Alba recibiu o seu agasallo nun acto oficial que tivo lugar o sábado 23 de outubro no Salón de Actos da Deputación de Lugo.
Parabéns, Alba!!!