Plan Estratéxico de Mellora do centro

Dom, 16/04/2023 - 17:53 — oscar

Secretaría

Cartel PROA+ 22.23

Coa finalidade de axudar a mellorar os resultados educativos do alumnado con necesidades específicas de apoio educativo, o noso centro participa no curso 2022/23 no Programa PROA + Coa participación neste programa, unha docente de Pedagoxía Terapéutica reforza ao alumno beneficiario, en horario lectivo na súa aula ordinaria, ofrecéndolle unha atención persoal e individualizada que lle permita mellorar o seu rendemento escolar e acadar unha motivación positiva de cara ás súas aprendizaxes.

Ao contar no noso colexio con este programa, deberemos realizar un Plan Estratéxico de Mellora do Centro coa finalidade de dirixir os nosos esforzos a mellorar aqueles aspectos que dificultan a adquisición de todas as competencias curriculares á totalidade do noso alumnado.

O primeiro paso consiste na realización dunha serie de enquisas destinadas ás familias, o profesorado, o persoal docente e non docente e ao alumnado para recoller a información que nos facilitará os puntos fortes, debiles, amenazas e oportunidades que actualmente ten o centro.

Durante o mes de abril realizaranse as enquisas dos diferentes sectores da nosa comunidade.

No enlace que se facilita mais abaixo poden acceder á enquisa dirixida ás familias que consta das seguintes cuestións:

DIMENSIÓN A: CREACIÓN DE CULTURAS INCLUSIVAS
A1. CONSTRUÍNDO COMUNIDADE
1. Todas as persoas son acollidas no centro.
2. Os profesores e profesoras colaboran mutuamente.
3. Os estudantes axúdanse uns a outros.
4. O profesorado e o alumnado trátanse con respecto.
5. As familias colaboran e senten que están implicadas no centro.
6. O profesorado e os membros do consello escolar traballan ben xuntos
7. O profesorado non favorece a un grupo de estudantes por encima doutros.

DIMENSIÓN A: CREANDO CULTURAS INCLUSIVAS
A2 ESTABLECEMENTO DE VALORES INCLUSIVOS
1. O centro escolar desenvolve valores inclusivos compartidos.
2. O profesorado pensa que todo o alumnado é igual de importante.
3. O centro escolar contribúe á saúde do alumnado e á dos adultos.
4. O centro escolar contribúe a que toda a comunidade educativa teña coñecementos para o manexo de aparellos informáticos.

DIMENSIÓN B: ESTABLECENDO POLÍTICAS INCLUSIVAS
B1: DESENVOLVENDO UN CENTRO ESCOLAR PARA TODOS
1. Cando o alumnado entra por primeira vez o centro axúdaselle na súa adaptación.
2. O profesorado mostra un mesmo interese por todos os grupos e estos configúranse de xeito heteroxéneo.
3. O centro fai que os seus edificios sean físicamente accesibles para todas as persoas.
4. O centro escolar escolar favorece que todo o alumnado dispoña de dispositivos informáticos axeitados e de conectividade.

DIMENSIÓN B: ESTABLECENDO POLÍTICAS INCLUSIVAS
B2: ORGANIZANDO O APOIO A DIVERSIDADE
1. Reducíronse os problemas de convivencia e as expulsións por indisciplina.
2. Reducíronse as causas e ausencias a clase.
3. Reduciuse o acoso escolar
4. Os dispositivos e aplicacións que se utilizan son accesibles (cognitivamente e universalmente) con máis características de todos ou alumnos.

DIMENSIÓN C: DESENVOLVENDO POLÍTICAS INCLUSIVAS
C2: ORQUESTRANDO A APRENDIZAXE
1. Todas as actividades do centro están adaptadas a todos ou alumnos.
2. O centro implica activamente o alumnado na súa propia aprendizaxe.
3. O alumnado aprende de maneira colaborativa.
4. Ensinaselle ao alumnado a valorar por igual a todas as persoas, o xénero, pola súa orixe, cultura ou características individuais.
5. Poderá participar, queirano ou non, todo o alumnado nas actividades que se realicen en horario lectivo.
6. Foméntase o uso das tecnoloxías da comunicación para actividades sociais e educativas.

QUEREMOS SABER MÁIS
1. Escribe as 3 cousas que máis che gustan do centro
2. Escribe 3 cousas que che gustaría cambiar do centro

As enquisas estarán operativas ata o vindeiro venres 21 de abril de 2023. Se algunha nai, pai ou representante legal non contestou á citada enquisa e desexa facelo, poderá realizala ata a data mais arriba indicada facendo clic no seguinte enlace.

ACCESO Á ENQUISA