INSTRUCIÓNS SOBRE O FONDO SOLIDARIO DE LIBROS PARA AMPLIACIÓN DE EXISTENCIAS
Aprezadas familias:
Recentemente recibimos por e-mail novas instruccións da Dirección Xeral de Centros sobre o Fondo Solidadrio de Libros:
Ao obxecto de ampliar o nivel de cobertura do fondo solidario de libros de texto, regulado
pola Orde do 21 de maio de 2015 (DOG do 1 de xuño), e garantir que o alumnado admitido
con renda per cápita incluída nos mesmos tramos que as axudas poida dispoñer de libros de
texto a través do fondo, os centros deberán adquirir os libros de texto que complementen os
xa existentes no fondo.
A adquisición realizarase con cargo á partida de gastos de funcionamento para o alumnado
admitido cunha renda per cápita igual ou inferior a 9.000 €
Con carácter xeral, e tendo en conta os tramos de renda e os importes das axudas, fíxase o
seguinte número máximo de libros a adquirir por cada alumno/a, segundo a o tramo de
renda per cápita no que se encontre:
Renda per cápita ata 5.400 €: 6 libros.
Renda per cápita desde 5.400,01 € ata 9.000 €: 4 libros.
Neste momento estamos xestionando a compra dos libros que farían falla para completar os lotes de libros que correspondan segundo a listaxe que nos facilitan ás familias admitidas pero que quedaron sen libros ou ás que non lle corresponderon todos os que deberían.
Irémosvos informando das novidades que se produzan e dos libros adquiridos para que non os teñades que mercar.
Lamentamos as molestias que vos poida ocasionar esta situación.