Skip to Content

4º Curso

SAMAIN NO CEIP MANUEL SUEIRO

Xov, 31/10/2024 - 12:04 — admin

Samain

O último día do mes de outubro voltamos a celebrar a Festa do Samaín no noso cole coa realización das seguintes actividades:

  • Exposición de fondos da biblioteca para o Samaín.

Galeria_fotos

  • Obradoiro de cociña terrorífica

Galeria_fotos

  • Galería de imaxes do alumnado disfrazado.

Galeria_fotos

  • Xantar terrorífico preparado polo alumnado do centro.

Galeria_fotos

  • Exposición de cabazas.

Galeria_fotos

  • Rescatando bichos dos vampiros. 4º Ed. infantil

  • Elaborando pócimas en 4º Ed. infantil.

  • Obradoiro de calacús en Ed. infantil

Sello vida saudable: reparto froita escolar.

Xov, 31/10/2024 - 11:12 — admin

Reparto froita

O CEIP Plurilingüe Manuel Sueiro dentro da s accións centradas na saúde e o benestar do seu alumnado reparte entre o seu alumnado no recreo froita. Esta iniciativa, que forma parte do programa de promoción de hábitos saudables, ten como obxectivo concienciar aos nenos e nenas sobre a importancia de manter unha alimentación equilibrada e saudable.

Durante os recreos, o alumnado recibe diferentes tipos de froitas frescas, que non só son deliciosas, senón que tamén son fundamentais para o coidado da saúde. Os e as docentes explican ao alumnado os beneficios de consumir froitas e verduras, así como a importancia de evitar merendas pouco saudables.

Esta acción non só se enmarca na promoción de hábitos alimentarios saudables, senón que tamén celebra a obtención do selo de "Vida Saudable" que o centro educativo recibiu recentemente. Este recoñecemento destaca o compromiso do CEIP Plurilingüe Manuel Sueiro co benestar dos seus alumnos e a promoción de estilos de vida saudables.

A comunidade educativa mostrou un gran entusiasmo por esta iniciativa, que busca inculcar valores de coidado e respecto pola saúde desde idades temperás. O reparto de froita no recreo foi un éxito, e os organizadores esperan que esta acción se converta nunha tradición no centro, fomentando así un futuro máis saudable para todos os seus estudantes.

Con esta acción, o CEIP Plurilingüe Manuel Sueiro reafirma o seu compromiso co benestar dos seus alumnos e a promoción de hábitos saudables que perduren ao longo da vida.

 Galeria_fotos

 

 

 

O SEÑOR DO CASTELO

Sáb, 26/10/2024 - 05:38 — admin

Contacontos_sabela

O xoves 24 e o mércores 30 de outubro o CEIP Plurilingüe Manuel Sueiro celebrou o Día das Bibliotecas acollendo unha actividade moi especial para todo o alumnado do centro: un contacontos titulado "O señor do castelo", levado a cabo por Sabela Gago. Esta iniciativa, que forma parte do programa de fomento da lectura, tivo lugar na aula de psicomotricidade e contou coa participación entusiasta de todos os nenos e nenas.

Desde o primeiro momento, o alumnado mostrouse completamente enganchado á historia, que os transportou a un mundo de fantasía e aventuras. As risas e os aplausos non cesaron durante toda a narración, e os pequenos participaron activamente, facendo preguntas e comentando as peripecias do protagonista. A emoción era palpable, e os rostros de alegría dos nenos reflectían o ben que o estaban pasando.

Sabela Gago, a contadora, soubo captar a atención dos pequenos con súa narración dinámica e interactiva, animando a todos a involucrarse na historia. Ao finalizar a actividade, os alumnos expresaron o seu desexo de repetir a experiencia, destacando que foi unha das actividades máis divertidas que realizaron ata o momento.

Os docentes do CEIP Plurilingüe Manuel Sueiro valoraron moi positivamente esta iniciativa, que non só fomenta o amor pola lectura, senón que tamén contribúe ao desenvolvemento da imaxinación e a creatividade dos nenos. Sen dúbida, esta xornada de contacontos quedará gravada na memoria dos pequenos, que xa están desexando que Sabela Gago volva ao seu colexio para seguir compartindo historias máxicas.

A comunidade educativa do CEIP Manuel Sueiro continúa comprometida co fomento da lectura e a creación de espazos onde a imaxinación e a diversión se entrelazan, sempre co obxectivo de ofrecer experiencias enriquecedoras aos seus alumnos.

24 de outubro de 2024

Galeria_fotos

30 de outubro de 2024.

Contacontos_sabela

 

DÍA DAS BIBLIOTECAS

Xov, 24/10/2024 - 11:29 — admin

 Dia das bibliotecas

Nun emocionante acto que reuniu ao alumnado, profesorado e persoas afeccionadas á lectura, a Biblioteca do CEIP Plurilingüe Manuel Sueiro celebrou con éxito, hoxe 24 de outubro o Día das Bibliotecas Escolares. Este día converteuse nun día inesquecible para fomentar a lectura e o amor polos libros entre os nenos e nenas do noso cole centrados no horto escolar e nos bos hábitos de alimentarios.

A nosa horta transformouse nun auténtico paraíso literario para celebrar este día tan especial. Os alumnos e alumnas dde todo o colexio vestiron os traxes de diversos personaxes da nosa horta escolar pasando polo teatro grego e rematando cunha bonita canción do noso coro.

As actividades comezararon a primeira hora da mañá coa representación dun contacontos levada a cabo por "Sabela Gago" coa obra O señor do castelo, na que relata a historía duns fantamas que chegaron a un castelo máxico.

Ademais, a biblioteca ofreceu unha ampla selección de novos libros que pasaron a encher as Mochilas viaxeiras que o alumnado de todo o centro levará por quendas para ler nas súas casas.

A xornada culminou cunha representación teatral do alumnado do colexio centrada no PDI Anual "No Sueiro plantamos as sementes dunha convivencia diversa e multicultural, para recoller os seus froitos no noso horto escolar" no que as persoas protagonistas das obras ían facendo un percorrido por cada unha dos traballos que realizarán cada unha das aulas: xerminación, códigos QR, plantas aromáticas, plantas sanadoras, denominación de orixe, hotel de bechos e a importancia dos hortos escolares na Axenda 2030.
A celebración do Día da Biblioteca Escolar no CEIPP Manuel Sueiro non só promoveu a importancia da lectura, senón que reforzou o vínculo entre a comunidade escolar e a biblioteca. Este evento deixou unha impresión duradeira no corazón e na mente dos alumnado, inspirándoos a continuar a súa viaxe literaria e explorar novos mundos a través dos libros.

A biblioteca do CEIP Plurilingüe Manuel Sueiro segue a desempeñar un papel fundamental na educación dos nenos e nenas, e eventos como este subliñan a súa aposta polo fomento da lectura e a aprendizaxe permanente.

Galeria_fotos

RECURSOS: SAMAÍN.

Mér, 23/10/2024 - 11:58 — admin

Materiais educativos que nos servirán para traballar nas aulas cos cativos.

Outras actividades educativas:

ENERXIA PARA MEDRAR. EROSKI

Dom, 13/10/2024 - 11:49 — admin

Enerxia para medrar

O CEIP Plurilingüe Manuel Sueiro participa no programa Energía para medrar de fundación Eroski centrada na alimentación, reciclaxe e alimentación cunha grande cantidade de recursos educativos.

Díptico.

Enerxia para medrar 1

Enerxia para medrar 2

Enerxia para medrar 3

Comité de Participación Infantil 2024/025. Centros Referentes UINCEF

Xov, 10/10/2024 - 13:36 — admin

unicef_partipacion

Dende a reunión do 10 de outubro de 2023 o CEIP Plurilingüe Manuel Sueiro inicia a preparación da súa candidatura configurando o Comité de participación infantil regulando o seu funcionamento e iniciando o proceso de elección dos seus representantes en cada una das aulas do colexio sendo elixidos as seguintes alumnas e alumnos. 

 

• Plan de comité de participación 2024_2025. 

•Composición do Comité de Participación no curso escolar 2024/2025.

  • 4º EI. (incorpóranse no mes de xaneiro de 2025).
  • 5º EI. (Olivia e Martín).
  • 6º EI. (Miroslava e Antón).
  • 1º EP. (Úrseula e Nicolás).
  • 2º EP. (Lara e Kike)
  • 3º EP. (Zoe e Yael)
  • 4º EP. (Priscila e Romil).
  • 5º EP. (Maia e Juan Pablo).
  • 6º EP. (Anais e Tiago).

 

•Reunións

  • 4 de novembro de 2024.
  • 2 de decembro de 2024.
  • 13 de xaneiro de 2025.
  • 3 de febreiro de 2025
  • 10 de marzo de 2025.
  • 7 de abril de 2025.
  • 5 de maio de 2025.
  • 2 de xuño de 2025

 

Galeria_fotos

Coñece o teu club "Cidade de Ourense"

Mar, 08/10/2024 - 16:27 — admin

Presentación do Club de Hóckey Albor de Ourense no Programa "Coñece o Teu Club" do Colexio.

Nunha emocionante xornada de deporte e aprendizaxe, o noso cole recibiu a visita especial do Club de Hóckey Cidade de Ourense como parte do programa "Coñece o Teu Club". Esta iniciativa, deseñada para achegar ao alumnado as diferentes disciplinas deportivas e aos clubs locais, ofrecéuselle aos nenos e nenas unha experiencia lúdica para explorar o mundo do hóckey sobre herba.

Os nenos e nenas de 6º curso de Ed. Inafntil e de 1º a 6º de Educación Primaria reuníronse na pista deportiva do colexio para dar a benvida aos representantes do Club de Hóckey Cidade de Ourense. Con entusiasmo contaxioso, o entrenador Yaseen compartiu a súa paixón por este deporte dinámico e desafiante, ofrecendo unha demostración práctica e charlas informativas sobre as regras, técnicas e valores que caracterizan ao hóckey.

O noso alumnado, atento e participativo, tivo a oportunidade de interactuar con Yaseen, facer preguntas e experimentar de primeira man o manexo do stick e a pelota. Todos se mergullaron nesta experiencia educativa e deportiva, descubrindo novos talentos e desenvolvendo habilidades motoras mentres se divertían no proceso.

É emocionante ver como os nenos e nenas se involucran e desfrutan de actividades como esta. O programa "Coñece o Teu Club" non só lles brinda a oportunidade de coñecer diferentes deportes, senón que tamén lles ensina sobre traballo en equipo, respecto e superación persoal.

Esperamos que esta experiencia inspire a algúns destes estudantes a unirse á práctica deste deporte para desfrutar do hóckey.

A actividade concluíu con aplausos e sorrisos, deixando un impacto positivo en todas e todos os participantes.

Agradecemos ao Club de Hóckey Cidade de Ourense a súa visita e esperamos seguir colaborando en futuras iniciativas para fomentar o deporte e o benestar entre o noso alumnado.

Galeria_fotos

 

Comendo cores.

Dom, 29/09/2024 - 11:58 — admin

 

Comendo cores

O xoves 26 de setembro realizamos no noso centro dous dos obradoiros destinados a inculcar no alumnado hábitos saudables de alimentación na liña recomendada polos obxectivos de desenvolvemento sostibles da axenda 2030.

A nutricionista do Centro de Saúde de Valle Inclán, técnica do Sergas de Ourense dirixiu estas actividades coa finalidade de incidir nos estilos de vida dos nenos e nenas, xa que estes xogan un papel fundamental na saúde das persoas. Por iso, para facer cambios cara uns hábitos máis saudables é preciso convertelo nun acto consciente, xa que o coñecemento, as emocións e as habilidades xogan un papel decisivo.  Os estilos de vida, e neles a conduta alimentaria saudable e o exercicio, teñen enormes beneficios no benestar e na prevención da enfermidade, coa vantaxe de ser factores modificables, por elo é clave integralos na aprendizaxe dos nenos e nenas.

No segundo dos obradoiro participou o alumado de 4º de EP.

Neles os nenos e nenas aprenderon de forma lúdica e participando activa a elaborar un menú saudable.

 

Día do punto 2024

Mar, 24/09/2024 - 18:19 — admin

O Día do Punto: Creatividade sen límites!

Este ano celebramos O Día do Punto dun xeito moi especial e creativo! O alumnado de cuarto de EP puxo as súas mentes a traballar para deseñar e decorar o seu propio punto. A idea era sinxela pero emocionante: cada neno e nena converteu un simple punto nunha pequena obra de arte, dando renda solta á súa imaxinación como fixera Vashti, protagonista do libro "O punto" de Peter H. Reynolds.

Desde puntos con cores vibrantes ata deseños sorprendentes, cada un reflectiu a personalidade e estilo dos seus creadores. Pero iso non foi todo! Ao final, con todos os puntos decorados, fixemos unha montaxe planetaria onde os puntos se transformaron en planetas, creando un fermoso universo cheo de creatividade e cor.

Con esta actividade o noso alumnado non só potenciou as súas habilidades artísticas, senón tamén a capacidade de ver máis aló do simple, demostrando que con creatividade podemos conquistar o universo!

Ver presentación a toda páxina

Galería de imaxes

 

Distribuir contido


by Dr. Radut